ബോണക്കാട് തൊഴിലാളികള് വസ്തു കൈയേറും
തിരുവനന്തപുരം: ബോണക്കാട് മഹാവീര് തേയില എസ്റേറ്റിലെ തൊഴിലാളികള് എസ്റേറ്റ് മുതലാളിമാരുടെ വസ്തു കൈയേറുന്നു.
ഡിസംബര് ഒന്ന് വെള്ളിയാഴ്ച മുതലാളിമാരുടെ തോട്ടം കൈയേറുമെന്ന് തൊഴിലാളികള് അറിയിച്ചു. ലാസര്, രാജപ്പന് എന്നീ തൊഴിലാളികള് പട്ടിണി മൂലം മരണമടഞ്ഞപ്പോള് സര്ക്കാരും മാനേജ്മെന്റും തന്ന വാഗ്ദാനങ്ങളൊന്നും പാലിക്കാത്തതിനാലാണ് തങ്ങള് മുതലാളിമാരുടെ വസ്തു കൈയേറാന് തീരുമാനിച്ചതെന്ന് തൊഴിലാളികള് പറഞ്ഞു.
മഹാവീര് എസ്റേറ്റ് ഉടമകളുടെ ഏകദേശം 150 ഏക്കര് വസ്തു ബോണക്കാടുണ്ട്. ഇതില് ഗ്രാമ്പുവും റബറുമാണ് കൃഷി ചെയ്തിരിക്കുന്നത്. തോട്ടങ്ങള് കൈയേറി എടുക്കുന്ന കാര്ഷിക വസ്തുക്കള് വിറ്റ് കാശാക്കാനാണ് തൊഴിലാളികള് പദ്ധതിയിട്ടിരിക്കുന്നത്.
ഇപ്പോഴും ബോണക്കാട് എസ്റേറ്റിലെ തൊഴിലാളികള് പട്ടിണിയിലാണ്. പട്ടിണി മരണം ഉണ്ടായപ്പോള് അരിയും വാഗ്ദാനങ്ങളുമായി പലരുമെത്തിയെങ്കിലും തങ്ങള്ക്ക് മാസങ്ങളായി ശമ്പളം കിട്ടാറില്ലെന്ന് തൊഴിലാളികള് പറയുന്നു.