സെന്റ് തെരേസാസ് ജൂബിലി ആഘോഷങ്ങള് തുടങ്ങി
കൊച്ചി: എറണാകുളം സെന്റ് തെരേസാസ് കോളേജിന്റെ പ്ലാറ്റിനം ജൂബിലി ആഘോഷങ്ങള്ക്ക് നിറപ്പകിട്ടാര്ന്ന തുടക്കം. ഡിസംബര് നാല് തിങ്കളാഴ്ച കോളേജ് അങ്കണത്തില് നടന്ന പ്രൗഢോജ്വലമായ ചടങ്ങില് ഗവര്ണര് ജസ്റിസ് സുഖ്ദേവ് സിംഗ് കാംഗ് ജൂബിലി ദീപം തെളിയിച്ചു.
നിര്ണായക തീരുമാനങ്ങളെടുക്കാന് പെണ്കുട്ടികളെ പ്രാപ്തരാക്കുന്ന രീതിയില് വിദ്യാഭ്യാസ സമ്പ്രദായത്തില് പൊളിച്ചെഴുത്ത് വേണമെന്ന് ഗവര്ണര് നിര്ദേശിച്ചു. വിദ്യാഭ്യാസത്തിലൂടെ മാത്രമേ സ്ത്രീ ശാക്തീകരണം എന്ന ലക്ഷ്യം കൈവരിക്കാന് കഴിയുകയുള്ളുവെന്ന് ഗവര്ണര് പറഞ്ഞു.
കേരളത്തില് വിദ്യാഭ്യാസം പല മേഖലകളിലും നിലവാരത്തകര്ച്ച നേരിടുകയാണെന്ന് ഗവര്ണര് ചൂണ്ടിക്കാട്ടി. സംസ്ഥാനത്തിന് പുറത്തെ മികവുറ്റ പ്രഫഷണല് കലാലയങ്ങളില് മലയാളികളുടെ സാന്നിദ്ധ്യം കുറഞ്ഞു വരികയാണെന്നും ഗവര്ണര് ചൂണ്ടിക്കാട്ടി.
സര്വകലാശാല വിദ്യാഭ്യാസം അര്ത്ഥവത്താകണമെങ്കില് കാലോചിതമായ പരിഷ്കാരങ്ങള് അനിവാര്യമാണെന്ന് അദ്ധ്യക്ഷപ്രസംഗത്തില് മന്ത്രി പി.ജെ.ജോസഫ് പറഞ്ഞു.
മഹാത്മാഗാന്ധി സര്വകലാശാല വൈസ് ചാന്സലര് ഡോ.സിറിയക് തോമസ്, കോട്ടപ്പുറം ബിഷപ്പ് ഡോ. ഫ്രാന്സിസ് കല്ലറയ്ക്കല്, മേയര് സി.എം.ദിനേശ്മണി, ജില്ലാ കളക്ടര് കെ.ആര്.വിശ്വംഭരന്, കോളേജ് മാനേജര് സിസ്റര് എസ്റല്ല, പ്രഫ. പി.ജയന്തി എന്നിവര് പ്രസംഗിച്ചു. പ്രിന്സിപ്പല് ടെസ റിപ്പോര്ട്ട് അവതരിപ്പിച്ചു.