പുതിയ പദ്ധതികളുമായി ലോര്ഡ് കൃഷ്ണാ ബാങ്ക്
കൊച്ചി: വജ്രജൂബിലിയോടനുബന്ധിച്ച് ലോര്ഡ് കൃഷ്ണ ബാങ്ക് പുതിയ നിക്ഷേപ വായ്പാ പദ്ധതികള് ആവിഷ്കരിച്ചു. ഡയമണ്ട് ജൂബിലി സ്ഥിരം നിക്ഷേപം, പുനര് നിക്ഷേപം, കാഷ് സര്ട്ടിഫിക്കറ്റ് എന്നിവയാണ് പുതിയ പദ്ധതികള്.
ഡയമണ്ട് ജൂബിലി സ്ഥിരം നിക്ഷേപം ക്രമമമായി പലിശ നല്കും. പലിശ പുനര്നിക്ഷേപിച്ച് കാലാവധിയാകുമ്പോള് ഒരുമിച്ച് ലഭിക്കുന്ന പദ്ധതിയാണ് പുനര്നിക്ഷേപം. ഒരു നിശ്ചിത തുക നിക്ഷേപിച്ചാണ് കാഷ് സര്ട്ടിഫിക്കറ്റ് ലഭിക്കുക.
അഞ്ചു വര്ഷ കാലാവധിയുള്ള ഈ പദ്ധതികളുടെ കുറഞ്ഞ നിക്ഷേപം 6,000 രൂപയാണ്. 1,000 രൂപയുടെ ഗുണിതങ്ങളായി അധികത്തുക നിക്ഷേപിക്കാം. പലിശ 12 ശതമാനം. ഇന്ത്യയിലെ ബാങ്കുകള് നല്കുന്ന പലിശനിരക്കില് ഏറ്റവും ഉയര്ന്നതാണ് ഇതെന്ന് ബാങ്ക് അധികൃതര് അറിയിച്ചു.
ഇവ കൂടാതെ പുതിയ കാറുകള് വാങ്ങാനുള്ള വായ്പാ സൗകര്യവും ബാങ്ക് ഒരുക്കിയിട്ടുണ്ട്. എട്ട് ലക്ഷം രൂപ വരെയാണ് വായ്പകള് ലഭിക്കുക. ലഘുവായ പലിശ നിരക്കുള്ള വായ്പ അഞ്ചു വര്ഷത്തിനുള്ളില് തിരിച്ചടയ്ക്കണം.