മദ്യദുരന്തം: പ്രതികളുടെ റിമാന്ഡ് നീട്ടി
കൊല്ലം: വിഷമദ്യദുരന്തക്കേസിലെ പ്രതികളുടെ റിമാന്ഡ് നീട്ടിക്കൊണ്ട് പരവൂര് മുന്സിഫ് കോടതി ഉത്തരവായി.
അബ്കാരി കോണ്ട്രാക്ടര് മണിച്ചന്റെ റിമാന്ഡ് ഡിസംബര് 11 തിങ്കളാഴ്ച വരെയും മറ്റുള്ളവരുടേത് ഡിസംബര് 19 ഞായറാഴ്ച വരെയുമാണ് നീട്ടിയിട്ടുള്ളത്. ഡിസംബര് നാല് തിങ്കളാഴ്ച പിടിയിലായ തിരുവനന്തപുരത്തെ അബ്കാരി കോണ്ട്രാക്ടര് റാഫിയുടെ റിമാന്ഡും ഡിസംബര് 19 വരെയാണ് കോടതി നീട്ടിയിട്ടുള്ളത്.
മദ്യദുരന്തത്തിന് ശേഷം ഡിസംബര് അഞ്ച് ചൊവാഴ്ച പരവൂര് കോടതി വളപ്പില് വച്ചാണ് പ്രതികളെല്ലാവരും തമ്മില് കണ്ടുമുട്ടുന്നത്. മണിച്ചന്, കൊച്ചനി, ഹയറുന്നീസ ഭര്ത്താവ് രാജന് സഹായി രാജു എന്നിവര് കോടതിയില് ഹാജരായി.
ഒളിവില് കഴിയുന്ന അബ്കാരി കോണ്ട്രാക്ടര് സുനില്ദത്തിന്റെ മുന്കൂര് ജാമ്യാപേക്ഷ ഡിസംബര് അഞ്ച് ചൊവാഴ്ച കോടതി തള്ളി. കഴക്കൂട്ടം, മംഗലാപുരം പൊലീസ് സ്റേഷനുകളില് സുനില്ദത്തിനെതിരെ പല കേസുകളും നിലവിലുള്ളതിനാല് ജാമ്യം നല്കാനാവില്ലെന്ന് കോടതി വ്യക്തമാക്കി.