ചേകന്നൂര്‍: പ്രതികളെ കസ്റഡിയില്‍ ആവശ്യപ്പെട്ടു

കൊച്ചി: ചേകന്നൂര്‍ മൗലവി വധക്കേസിനോടനുബന്ധിച്ച് അറസ്റിലായ പ്രതികളായ ഇല്യന്‍ ഹംസ, ഹംസ സഖാഫി എന്നിവരെ കസ്റഡിയില്‍ വിട്ടുകിട്ടുന്നതിന് സിബിഐ ഡിസംബര്‍ എട്ട് വെള്ളിയാഴ്ച എറണാകുളം ചീഫ് ജുഡീഷ്യല്‍ മജിസ്ട്രേട്ട് കോടതിയില്‍ അപേക്ഷ സമര്‍പ്പിച്ചു.

സിബിഐയുടെ അപേക്ഷയിന്മേല്‍ ഡിസംബര്‍ 11 തിങ്കളാഴ്ച വാദം കേള്‍ക്കുമെന്ന് ചീഫ് ജുഡീഷ്യല്‍ മജിസ്ട്രേട്ട് ഉബൈദ് അറിയിച്ചു. അന്ന് പ്രതികളെ കോടതിയില്‍ ഹാജരാക്കാനും നിര്‍ദ്ദേശം നല്കിയിട്ടുണ്ട്. പ്രതികള്‍ ഇരുവരും ഇപ്പോള്‍ ജുഡീഷ്യല്‍ കസ്റഡിയില്‍ റിമാന്‍ഡിലാണ്.

പ്രതികള്‍ക്കുവേണ്ടി ജാമ്യാപേക്ഷ നല്കാന്‍ അവരുടെ കുടുംബാംഗങ്ങള്‍ക്ക് കോടതി അനുമതി നല്കിയിട്ടുണ്ട്. ജാമ്യാപേക്ഷയിന്മേലുള്ള വാദവും തിങ്കളാഴ്ച നടന്നേക്കും.