സിഐടിയു സിപിഎമ്മിന്റെ അനുബന്ധ സംഘടനയല്ല

തിരുവനന്തപുരം: സിഐടിയു സിപിഎമ്മിന്റെ അനുബന്ധ സംഘടനയല്ലെന്ന് യൂണിയന്‍ സംസ്ഥാന സെക്രട്ടറി പി.കെ.ഗുരുദാസന്‍ വ്യക്തമാക്കി. ഡിസംബര്‍ 11 തിങ്കളാഴ്ച തിരുവനന്തപുരം പ്രസ് ക്ലബ് സംഘടിപ്പിച്ച മുഖാമുഖം പരിപാടിയില്‍ സംസാരിക്കുകയായിരുന്നു അദ്ദേഹം.

സിഐടിയു ഒരു സ്വതന്ത്ര ജനാധിപത്യ സംഘടനയാണെന്ന ് ഗുരുദാസന്‍ പറഞ്ഞു. സിഐടിയുവിന്റെ പരിപാടികളില്‍ ഇടപെടുക എന്ന താത്പര്യം സിപിഎമ്മിനില്ല.

സിഐടിയു തിരഞ്ഞെടുപ്പ് തീര്‍ത്തും ജനാധിപത്യപരമായാണ് നടന്നതെന്ന് അദ്ദേഹം പറഞ്ഞു.

ഐഎന്‍ടിയുസി, എഐടിയുസി, ബിഎംഎസ് തുടങ്ങിയ സംഘടനകളെ ഏകോപിപ്പിച്ച് ഒരു ദേശീയ കോണ്‍ഫെഡറേഷന്‍ രൂപീകരിക്കാന്‍ സിഐടിയുവിന് ആലോചനയുണ്ടെന്ന് അദ്ദേഹം പറഞ്ഞു.