കേരളത്തില്‍ എസ്മ പ്രയോഗിക്കില്ല - മന്ത്രി

തിരുവനന്തപുരം: തപാല്‍ സമരം അടിച്ചമര്‍ത്താന്‍ അവശ്യസസേവന സംരക്ഷണ നിയമം (എസ്മ) പ്രയോഗിക്കില്ലെന്ന് മുഖ്യമന്ത്രിയുടെ ചുമതലയുള്ള സാംസ്കാരിക മന്ത്രി ടി.കെ. രാമകൃഷ്ണന്‍ അറിയിച്ചു.

സമരത്തെ സര്‍ക്കാര്‍ അനുകൂലിക്കുന്നു. പൊലീസിനെ ഉപയോഗിച്ച് സമരം അടിച്ചമര്‍ത്തുക സര്‍ക്കാരിന്റെ നയമല്ല. അതിനാല്‍ എസ്മ പ്രയോഗിക്കുന്നതിനുള്ള യാതൊരു നടപടികളും സര്‍ക്കാര്‍ സ്വീകരിച്ചിട്ടില്ല. എസ്മ ഉപയോഗിക്കണമെന്ന കേന്ദ്രസര്‍ക്കാരിന്റെ നിര്‍ദ്ദേശം ചീഫ് സെക്രട്ടറിക്ക് ലഭിച്ചിട്ടില്ലെന്നും മന്ത്രി പറഞ്ഞു.

മൃഗശാലാ അതോറിറ്റിയുടെ അനുമതിയില്ലാതെ പ്രവര്‍ത്തിക്കുന്ന മറ്റു വന്യജീവി സംരക്ഷണകേന്ദ്രങ്ങള്‍ തുടരണമോയെന്നതിനെക്കുറിച്ച് പരിശോധിക്കും. സാംസ്കാരികവകുപ്പിന്റെ കീഴില്‍ തിരുവനന്തപുരത്തും തൃശൂരുമാണ് വന്യജീവിസംരക്ഷണ കേന്ദ്രമുള്ളത്. ഇതില്‍ തിരുവനന്തപുരത്തിീന് കേന്ദ്രത്തിന്റെ അനുമതി ലഭിച്ചുകഴിഞ്ഞു. തൃശൂരില്‍ മൃഗശാലയ്ക്കാവാശ്യമായ സ്ഥലം പോരായെന്ന് അതോറിറ്റി അറിയിച്ചിട്ടുണ്ട്. ഇതിന്റെ അടിസ്ഥാനത്തില്‍ ആ മൃഗശാല പുത്തൂരേക്ക് മാറ്റാന്‍ ആലോചിക്കുന്നുണ്ടെന്നും മന്ത്രി വ്യക്തമാക്കി.