റോഡു വികസനത്തിന് മലേഷ്യന് സഹായം
തിരുവനന്തപുരം : സംസ്ഥാനത്തെ നാലു റോഡുകളുടെ വികസനത്തിന് മലേഷ്യന് സര്ക്കാര് ധനസഹായം നല്കുമെന്ന് മുഖ്യമന്ത്രി നായനാര് പറഞ്ഞു. വിദേശപര്യടനത്തിന് ശേഷം തിരിച്ചെത്തിയ നായനാര് ഡിസംബര് 17 തിങ്കളാഴ്ച വിമാനത്താവളത്തില് വാര്ത്താ ലേഖകരോട് സംസാരിക്കുകയായിരുന്നു.
ധനസഹായം നല്കുന്നതിനെ കുറിച്ച് പ്രാഥമിക ധാരണയായിട്ടുണ്ട്. മലേഷ്യന് പ്രധാനമന്ത്രി മഹാതിര് മുഹമ്മദ്, പൊതുമരാമത്ത് വകുപ്പുമന്ത്രി സ്വാമിവേലു എന്നിവരുമായി ഇതു സംബന്ധിച്ച് കോലാലംപൂരില് ചര്ച്ച നടത്തി.
മണ്ണാറക്കളത്തിയില് നിന്ന് പമ്പയിലേക്കുള്ള 58 കിലോ മീറ്റര് റോഡിനും നെടുമ്പാശ്ശേരിയില് നിന്ന് കൊടെക്കനാലിലേക്കുള്ള 171 കിലോ മീറ്റര് റോഡിനും പൊന്നാനിയില് നിന്ന് കോഴിക്കോട്ടേക്കുള്ള 61 കിലോ മീറ്റര് റോഡിനും കോട്ടയത്തു നിന്ന് കുമരകത്തേക്കുള്ള റോഡിനുമാണ് സഹായം ലഭിക്കുക- മുഖ്യമന്ത്രി പറഞ്ഞു.
വിവര സാങ്കേതികവിദ്യാ രംഗത്ത് സംസ്ഥാനത്ത് ചില സംരംഭങ്ങള് ആരംഭിക്കുന്നതു സംബന്ധിച്ച് ചര്ച്ചകള് നടത്താനായി വ്യവസായികളുടെ ഒരുസംഘം ജനവരിയില് കേരളത്തിലെത്തുമെന്നും നായനാര് അറിയിച്ചു.