കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

തപാല്‍ സമരം പിന്‍വലിച്ചു; ഒരു സംഘടന തുടരും

  • By Staff
Google Oneindia Malayalam News

ദില്ലി: തപാല്‍ സമരത്തിലേര്‍പ്പെട്ടിരിക്കുന്ന രണ്ടു യൂണിയനുകള്‍ സമരത്തില്‍ നിന്നു പിന്മാറി. കേന്ദ്ര വാര്‍ത്താവിനിമയ വകുപ്പു മന്ത്രി രാംവിലാസ് പാസ്വാനുമായി നടത്തിയ നാലു മണിക്കൂര്‍ ചര്‍ച്ചകള്‍ക്കു ശേഷമാണ് രണ്ടു യൂണിയനുകള്‍ സമരത്തില്‍ നിന്നു പിന്മാറാന്‍ തയ്യാറായത്.

ഫെഡറേഷന്‍ ഓഫ് നാഷണല്‍ പോസ്റല്‍ ഓര്‍ഗനൈസേഷന്‍, ഭാരതീയ പോസ്റല്‍ യൂണിയന്‍ എന്നീ സംഘടനകളാണ് പിന്മാറിയത്. എന്നാല്‍ നാഷണല്‍ ഫെഡറേഷന്‍ ഓഫ് പോസ്റല്‍ എംപ്ലോയീസ് ഫെഡറേഷന്‍ ഭാരവാഹികള്‍ സമരം തുടരുമെന്ന് പ്രഖ്യാപിച്ചിരിക്കുകയാണ്.

കേന്ദ്രമന്ത്രിയുമായുണ്ടാക്കിയ ധാരണകളില്‍ തൃപ്തരല്ലാത്തതുകൊണ്ടാണ് സമരരംഗത്തു തുടരുന്നതെന്ന് നാഷണല്‍ ഫെഡറേഷന്‍ സെക്രട്ടറി ജനറല്‍ ആര്‍.എല്‍. ഭട്ടാചാര്യ വാര്‍ത്താലേഖകരോട് പറഞ്ഞു.

ജസ്റിസ് താല്‍വാര്‍ കമ്മിറ്റിയുടെ ശമ്പളപരിഷ്കരണത്തിനും മറ്റ് ആനുകൂല്യങ്ങള്‍ക്കുമുള്ള നിര്‍ദ്ദേശങ്ങള്‍ എത്രയും പെട്ടെന്ന് നടപ്പിലാക്കുമെന്ന് കേന്ദ്രമന്ത്രി ഉറപ്പു നല്‍കിയതിനാലാണ് സമരത്തില്‍ നിന്നു പിന്മാറുന്നതെന്ന് മറ്റു രണ്ടു സംഘടനകളുടെ ഭാരവാഹികള്‍ അറിയിച്ചു.

13 ദിവസമായി തുടരുന്ന തപാല്‍ സമരത്തില്‍ നിന്ന് രണ്ട് യൂണിയനുകള്‍ പിന്മാറിയത് കെട്ടിക്കിടക്കുന്ന തപാല്‍ ഉരുപ്പടികളുടെ ദ്രുതഗതിയിലുള്ള നീക്കത്തിനു സഹായകമാകും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X