നെടുങ്ങാടി ബാങ്കില് ക്രമക്കേടുകള്
തിരുവനന്തപുരം: നെടുങ്ങാടി ബാങ്കില് ഗുരുതരമായ ക്രമക്കേടുകള് നടന്നതായി ആരോപണം.
മാനദണ്ഡങ്ങള് പാലിക്കാതെ പലര്ക്കും ബാങ്ക് വായ്പ കൊടുത്തുവെന്ന് ആരോപണം ഉയര്ന്നിട്ടുണ്ട്. മാനദണ്ഡങ്ങള് പാലിക്കാതെ വായ്പ കൊടുത്തതു കാരണം കിട്ടാക്കടത്തിന്റെ കെണിയില് പെട്ടിരിക്കുകയാണ് ബാങ്ക്. ഇതിനു പുറമെ മുബൈ ബ്രാഞ്ചില് നിന്ന് കോടിക്കണക്കിന് രൂപ ഓഹരികച്ചവടം വഴി നഷ്ടപ്പെട്ടു.
ക്രമക്കേടിനെ തുടര്ന്ന് അഹമ്മദാബാദ് ബ്രാഞ്ച് മാനേജരെ സസ്പെന്റ് ചെയ്യുകയുണ്ടായി.
ബാങ്കിന്റെ മാനേജ്മെന്റിലെ സ്വരചേര്ച്ചയില്ലായ്മയെ തുടര്ന്ന് ഡയറക്ടര്മാരിലൊരാളായ എം.ജി.ദമാനി രാജിവെച്ചൊഴിഞ്ഞു. ബാങ്ക് ചെയര്മാന് എം.ആര്.മൂര്ത്തിയുമായുള്ള അഭിപ്രായവ്യത്യാസങ്ങള് കാരണമാണ് ദമാനി ഡയറക്ടര് ബോര്ഡില് നിന്ന് രാജിവെച്ചത്. ചെയര്മാന് അറിഞ്ഞുകൊണ്ടാണ് പല ക്രമക്കേടുകളും നടന്നതെന്നാണ് മൂര്ത്തി ആരോപിക്കുന്നത്.