സ്വാഭാവിക റബറിന് പോര്ട്ടല്
കോട്ടയം: സ്വാഭാവിക റബറിനെക്കുറിച്ചുള്ള സമഗ്രവിവരങ്ങളുമായി ആദ്യത്തെ പ്രവര്ത്തനമാരംഭിച്ചു. റബര്ബോര്ഡ് ചെയര്മാന് എസ്. എം. ഡെസാഫില് പോര്ട്ടല് ഉദ്ഘാടനം ചെയ്തു.
റബറിന്റെയും ലാറ്റക്സിന്റെയും വിവിധ ഗ്രേഡുകളുടെ പുതിയ വില, രാജ്യാന്തര വിപണിയിലെ വില നിലവാരം, സ്വാഭാവിക റബറിനെക്കുറിച്ചുള്ള വാര്ത്തകള്, ലേലം, സമ്മേളനങ്ങള്, സെമിനാറുകള്തുടങ്ങിയ വിവരങ്ങള് പോര്ട്ടലില് ലഭ്യമാണ്.
പോര്ട്ടലില് അംഗമാകുന്നവര്ക്ക് പരസ്പരം സംസാരിച്ച് ഉത്പന്നം വാങ്ങാനും വില്ക്കാനുമുള്ള സൗകര്യമുണ്ട്.
റബറുല്പാദകര്, റബര് ഉത്പാദനവ്യവസായ മേഖലകളില് സേവനം ലഭ്യമാകുന്ന ട്രാന്സ്പോര്ട്ടിങ് വ്യവസായം , ബാങ്കുകള്, ഇന്ഷുറന്സ് കമ്പനികള്, വളം നിര്മാതാക്കള്, വിതരണക്കാര്, ഏജന്റുമാര്, യന്ത്രസാമഗ്രികളുടെ നിര്മാതാക്കള്, വിതരണക്കാര്, കള്സണ്ട്ടന്റുമാര്, റബര് അധിഷ്ഠിത വ്യവസായങ്ങള് എന്നിവയെക്കുറിച്ചുള്ള വിവരങ്ങളും ലഭ്യമാകും.
കൊച്ചിയിലെ ടീം ഫ്രണ്ട്ലൈന് പ്രൈവറ്റ് ലിമിറ്റഡിന്റെ ഭാഗമായ ടീം-ഇബിസ് ലിമിറ്റഡിന്റെ സാങ്കേതിക സഹകരണത്തോടെയാണ് പോര്ട്ടല് ക്രമീകരിച്ചിരിക്കുന്നതെന്ന് ഓള് ഇന്ത്യ റബര് ഡീലേഴ്സ് അസോസിയേഷന് ഭാരവാഹികള് അറിയിച്ചു.