കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഫറോക്കിനു പുതിയ റെയില്‍വേസ്റ്റേഷന്‍

  • By Staff
Google Oneindia Malayalam News

ഫറോക്ക് :കോഴിക്കോട് ഫറോക്കില്‍ പുതിയ റെയില്‍വേസ്റ്റേഷന്‍ പൂര്‍ത്തിയായി. കേരളത്തനിമയില്‍ നിര്‍മ്മിച്ച പുതിയ കെട്ടിടം ഡിസംബര്‍ അവസാനത്തോടെ റെയില്‍വേ ഏറ്റെടുക്കും. ആകെ 40 ലക്ഷം രൂപ ചിലവഴിച്ച് നിര്‍മ്മിച്ച കെട്ടിടത്തിലെ സകല സംവിധാനങ്ങളും ആധുനികരീതിയിലാണ്. സിഗ്നല്‍ സംവിധാനം ഒപ്റ്റിക്കല്‍ കേബിള്‍ വഴിയാണ്.

കരിപ്പൂര്‍ വിമാനത്താവളത്തിനടുത്തുള്ള റെയില്‍വേസ്റ്റേഷന്‍ എന്ന നിലയില്‍ ഫറോക്കിനുള്ള പ്രാധാന്യം കണക്കിലെടുത്താണ് സ്റ്റേഷനില്‍ വിപുലമായ സംവിധാനങ്ങള്‍ ഏര്‍പ്പെടുത്തിയിരിക്കുന്നത്. സ്റ്റേഷനില്‍ വെയ്റ്റിംങ് റൂം, റിസര്‍വേഷന്‍ കൗണ്ടര്‍, സാധാരണ ടിക്കറ്റ് കൗണ്ടറുകള്‍, സ്റ്റേഷന്‍മാസ്റ്ററുടെ മുറികള്‍, ബുക്കിംങ് ഓഫീസ്, എക്യുപ്മെന്റ്സ് റൂം, ഒ. എഫ് .സി റൂം , ജനറേറ്റര്‍ റൂം, ബാറ്ററി ആന്‍ഡ് സിഗ്നല്‍ റൂം എന്നിവയുണ്ട്.

എന്നാല്‍ രണ്ടു വലിയ പ്ലാറ്റ്ഫോമുകളുടെ നിര്‍മാണം പൂര്‍ത്തിയാവുകയും പുതിയ ട്രാക്കുകളുടെ പണി പൂര്‍ത്തിയാവുകയും ചെയ്തെങ്കിലേ സ്റ്റേഷന്‍ ഉദ്ഘാടനമാവൂ. ഒരു വശത്തെ പ്ലാറ്റ്ഫോം പണി ഏകദേശം പൂര്‍ത്തിയായി. റെയില്‍വേസ്റ്റേഷന്‍ പഴയ കെട്ടിടം നിലനിര്‍ത്തിക്കൊണ്ടു തന്നെയായിരിക്കും പുതിയത് ഉദ്ഘാടനം ചെയ്യപ്പെടുക. സ്റ്റേഷനോടനിബന്ധിച്ചുള്ള പാര്‍ക്കിംഗ് മൈതാനം സംബന്ധിച്ച് റെയില്‍വേ ഇതു വരെ നടപടിയൊന്നും സ്വീകരിച്ചിട്ടില്ല.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X