തിരുവാഭരണഘോഷയാത്ര തുടങ്ങി
ആറന്മുള: ശബരിമല ശാസ്താവിനുള്ള തിരുവാഭരണവുമായി ആറന്മുള ശ്രീപാര്ത്ഥസാരഥി ക്ഷേത്രത്തില് നിന്നും ഘോഷയാത്ര തുടങ്ങി.
ഡിസംബര് 24 ഞായറാഴ്ച പുലര്ച്ചെ തന്ത്രി ഘോഷയാത്രാരഥത്തില് വിളക്ക് തെളിയിച്ചതോടെയാണ് ഘോഷയാത്ര തുടങ്ങിയത്. നൂറ്കണക്കിന് ഭക്തജനങ്ങളുടെ ശരണം വിളികളോടെയും ആര്പ്പുവിളികളോടെയും ആരംഭിച്ച തിരുവാഭരണഘോഷയാത്ര പത്തനംതിട്ട, കുമ്പഴ, മലയാലപ്പുഴ, കോന്നി തുടങ്ങിയ സ്ഥലങ്ങളിലെ ശാസ്താക്ഷേത്രങ്ങള് സന്ദര്ശിച്ചായിരിക്കും ശബരിമല സന്നിധാനത്തിലെത്തുക.
ഡിസംബര് 24 ഞായറാഴ്ച വൈകുന്നേരം പെരുനാട് ശാസ്താക്ഷേത്രത്തില് തങ്ങുന്ന ഘോഷയാത്ര ഡിസംബര് 25 തിങ്കളാഴ്ച വൈകുന്നേരം ശരംകുത്തിയിലെത്തും. 1971ല് ശ്രീചിത്തിരതിരുനാള് മഹാരാജാവ് സമര്പ്പിച്ച 420 പവന് തൂക്കമുള്ള തിരുഭാവരണം ഘോഷയാത്രയ്ക്ക് മുമ്പ് പ്രദര്ശനത്തിന് വച്ചു. ഡിസംബര് 25 തിങ്കളാഴ്ച ദീപാരാധന വേളയില് തങ്ക അങ്കി അയ്യപ്പവിഗ്രഹത്തില് ചാര്ത്തും.
മണ്ഡലപൂജയ്ക്ക് രണ്ട് ദിവസം മാത്രം ബാക്കി നില്ക്കെ ശബരിമലയില് ഭക്തജനപ്രവാഹം വര്ധിച്ചിട്ടുണ്ട്.