തമിഴ്നാട്ടില്‍ ചുഴലിക്കാറ്റുണ്ടാകും; കേരളത്തില്‍ കനത്ത മഴക്ക് സാധ്യത

തിരുവനന്തപുരം: തമിഴ്നാട്ടില്‍ ചൊവാഴ്ച വൈകുന്നേരത്തോടെ ശക്തിയായ ചുഴലിക്കാറ്റ് വീശും. കാറ്റ് കേരളത്തിലേക്ക് വ്യാപിക്കാന്‍ സാധ്യതയുണ്ടെങ്കിലും അപകടമൊന്നുമുണ്ടാകില്ലെന്നാണ് കാലാവസ്ഥാ നിരീക്ഷണകേന്ദ്രത്തിന്റെ പ്രവചനം.

ആലപ്പുഴ, കൊല്ലം, തിരുവനന്തപുരം എന്നീ ജില്ലകളില്‍ കനത്ത മഴയുണ്ടാകും. മഴ നാല് ദിവസത്തോളം നീണ്ടുനില്‍ക്കാന്‍ സാധ്യതയുണ്ട്. ഈ ജില്ലകളിലുള്ള മത്സ്യത്തൊഴിലാളികള്‍ കടലില്‍ പോകരുതെന്ന് മുന്നറിയിപ്പുണ്ട്. തെക്കന്‍ ജില്ലകളില്‍ കടലാക്രമണം ശക്തമായിട്ടുണ്ട്.

ശക്തിയായി വീശിയടിക്കുന്ന ചുഴലിക്കാറ്റ് തമിഴ്നാട്ടില്‍ വന്‍ നാശനഷ്ടമുണ്ടാക്കുമെന്നാണ് പ്രവചനം. തൂത്തുകുടി, പുതുക്കോട്ട, തഞ്ചാവൂര്‍, രാമേശ്വരം എന്നീ ജില്ലകളില്‍ കനത്ത നാശനഷ്ടത്തിന് സാധ്യതയുണ്ട്. തമിഴ്നാട്ടിന്റെ തെക്കന്‍ ജില്ലകളില്‍ അതിശക്തമായ പെയ്തുതുടങ്ങിയിട്ടുണ്ട്.