കൊച്ചി വിമാനത്താവളത്തിന്റെ കെട്ടിടം പൊളിച്ചു
കൊച്ചി: നെടുമ്പാശ്ശേരി അന്താരാഷ്ട്ര വിമാനത്താവളത്തിന്റെ കെട്ടിടം അനധികൃതമാണെന്ന് ആരോപിച്ച് നഗരസഭ പൊളിക്കാന് തുടങ്ങി.
ജനവരി രണ്ട് ചൊവാഴ്ച രാവിലെയാണ് അങ്കമാലി നഗരസഭയുടെ ജോലിക്കാര് വന് പൊലീസ് സന്നാഹത്തോടെ വിമാനത്താവളത്തിനടുത്തുള്ള കെട്ടിടം പൊളിക്കാനെത്തിയത്. വിവരമറിഞ്ഞെത്തിയ വിമാനത്താവള അധികൃതര് തടയാന് ശ്രമിച്ചത് അല്പനേരം സംഘര്ഷത്തിനിടയാക്കി.
കെട്ടിടം അനധികൃതമാണെന്നും പൊളിക്കാതിരിക്കാന് കാരണമുണ്ടെങ്കില് 12 ദിവസത്തിനകം ബോധിപ്പിക്കണമെന്നുമാവശ്യപ്പെട്ട് നഗരസഭാ അധികൃതര് വിമാനത്താവള കമ്പനിക്ക് നോട്ടീസ് അയച്ചിരുന്നു. എന്നാല് നിശ്ചിതസമയം കഴിഞ്ഞിട്ടും മറുപടി ലഭിക്കാത്തതിനാലാണ് കെട്ടിടം പൊളിക്കാന് തുടങ്ങിയതെന്നാണ് നഗരസഭാ അധികൃതര് നല്കുന്ന വിശദീകരണം.
പൊലീസ് എസ്കോര്ട്ട് പിന്വലിച്ചതിനെ തുടര്ന്ന് കെട്ടിടം ഇടിക്കുന്നത് താല്ക്കാലികമായി നിര്ത്തിവച്ചിരിക്കുകയാണ്. ജനവരി മൂന്നിന് നഗരസഭ അടിയന്തിരയോഗം ചേര്ന്ന് വിമാനത്താവള എംഡിക്കെതിരെയുള്ള നടപടികള് തീരുമാനിക്കുമെന്ന് നഗരസഭാ ചെയര്മാന് അറിയിച്ചു.
എന്നാല് വിവാദമായിരിക്കുന്ന കെട്ടിടം ഇപ്പോള് ഒബറോയ് ഗ്രൂപ്പിന് പാട്ടത്തിന് നല്കിയിരിക്കുകയാണെന്നും കെട്ടിടത്തിന്് മേലുള്ള ഉത്തരവാദിത്വം അവര്ക്കാണെന്നും വിമാനത്താവള അധികൃതര് പറയുന്നു.