തലശ്ശേരി സ്ഫോടനം: ഒരാള് മരിച്ചു
തലശ്ശേരി: പാട്യം കൊങ്കച്ചിക്കടുത്ത് ജനവരി രണ്ട് ചൊവാഴ്ചയുണ്ടായ ബോംബ് സ്ഫോടനത്തില് പരിക്കേറ്റ ബിജെപി പ്രവര്ത്തകന് തെക്കണ്ടി പ്രശാന്ത്(28) മരിച്ചു.
കോഴിക്കോട് മെഡിക്കല് കോളേജിലാണ് പ്രശാന്ത് മരിച്ചത്. കൊങ്കച്ചിയിലെ മൊട്ടേമ്മല് ബാലന്റെയും സൗമിനിയുടെയും മകനാണ്.
സ്ഫോടനത്തില് പരിക്കേറ്റ പത്തായക്കുന്ന് മൂത്തേടത്ത് ഹരിദാസ്(32), പാനൂര് കല്ലംപറമ്പത്ത് സഹേഷ്(25), പാനൂര് തയ്യില് മഹേഷ്(27), പാട്യം പഞ്ചായത്ത് ബിജെപി സെക്രട്ടറി പാനൂര് പുതിയ പടന്നയില് സുനി(24), പത്തായക്കുന്ന് ഷിബു(32) എന്നിവരെ കോഴിക്കോട് മെഡിക്കല് കോളേജില് പ്രവേശിപ്പിച്ചിരിക്കുകയാണ്. പത്തായക്കുന്നിലെ സന്തോഷിനെ എറണാകുളം സ്പെഷ്യലിസ്റ് ആശുപത്രിയില് പ്രവേശിപ്പിച്ചു.
സ്ഫോടനത്തില് യുവാക്കള്ക്ക് സാരമായ പരിക്കേറ്റിട്ടുണ്ട്. പലര്ക്കു ദേഹമാസകലം പൊള്ളലേറ്റു. ഷിബു, മഹേഷ്, മരിച്ച പ്രശാന്ത് എന്നിവരുടെ കൈകള് തകര്ന്ന നിലയിലായിരുന്നു. പരിക്കേറ്റവരില് നാലുപേര് ശരീരത്തിലെ പല ഭാഗങ്ങളില് നിന്നും മാംസം ചിതറിത്തെറിച്ച നിലയിലാണ്. കൈയിലെ രക്തക്കുഴല് മുറിഞ്ഞ അവസ്ഥയിലുള്ള സന്തോഷിനെ സ്പെഷ്യലിസ്റ് ആശുപത്രിയിലേക്കു മാറ്റുകയായിരുന്നു.
ആര്എസ്എസ്സുകാര് വന് തോതില് ബോംബു നിര്മ്മിക്കുമ്പോഴാണ് കൊങ്കച്ചിയില് സ്ഫോടനം നടന്നതെന്ന് സിപിഎം ജില്ലാ സെക്രട്ടേറിയറ്റ് പ്രസ്താവനയില് കുറ്റപ്പെടുത്തി.