മന്ത്രി മേനോന്‍ ആശുപത്രിയില്‍

തിരുവനന്തപുരം: ദേഹാസ്വാസ്ഥ്യത്തെ തുടര്‍ന്ന് ധനകാര്യ മന്ത്രി ടി.ശിവദാസ മേനോനെ ജനവരി എട്ട് തിങ്കളാഴ്ച രാവിലെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

അദ്ദേഹത്തിന് ചെറിയ ശാരീരികാസ്വാസ്ഥ്യം മാത്രമേ ഉള്ളുവെന്നും ആശങ്കപ്പെടേണ്ട കാര്യമില്ലെന്നും ആശുപത്രി വൃത്തങ്ങള്‍ അറിയിച്ചു. മന്ത്രിക്ക് ഒരാഴ്ചത്തെ പൂര്‍ണവിശ്രമം ഡോക്ടര്‍മാര്‍ നിര്‍ദ്ദേശിച്ചിരിക്കുകയാണ്.

ഈ സാഹചര്യത്തില്‍ മന്ത്രി മേനോന്റെ ഒരാഴ്ചത്തെ ഔദ്യോഗിക പരിപാടികള്‍ റദ്ദാക്കിയിട്ടുണ്ട്.