ചേകന്നൂരിനെ വധിക്കാന് രണ്ട് തവണ ശ്രമിച്ചു
മലപ്പുറം: തട്ടിക്കൊണ്ടു പോകുന്നതിന് മുമ്പ് ചേകന്നൂര് മൗലവിയെ വധിക്കാന് രണ്ട് പ്രാവശ്യം ശ്രമം നടന്നുവെന്ന് സിബിഐ വൃത്തങ്ങള് വെളിപ്പെടുത്തി.
ഇപ്പോള് പിടിയിലുള്ള രണ്ട് പ്രതികളെയും ചോദ്യം ചെയ്തതില് നിന്നാണ് ഇക്കാര്യം വെളിപ്പെട്ടത്. മൗലവിയെയും കുടുംബത്തെയും ബോംബ് വച്ച് കൊലപ്പെടുത്താനായിരുന്നു സംഘം ആദ്യം പദ്ധതിയിട്ടത്. എന്നാല് അത് ഫലപ്രദമായില്ല.
ഏതാനും ദിവസങ്ങള്ക്ക് ശേഷം ഇപ്പോള് പിടിയിലുള്ള ഒരാള് മൗലവിയെ വെടിവച്ച് കൊല്ലാനും ശ്രമം നടത്തി. എന്നാല് അതും പാളുകയായിരുന്നു. രണ്ട് ശ്രമങ്ങളും പരാജയപ്പെട്ടതിനെ തുടര്ന്ന് മൗലവിയുമായി സൗഹൃദം സ്ഥാപിക്കുക എന്നതായി സംഘത്തിന്റെ തന്ത്രം. ഇതിന്റെ ഭാഗമായി 1993 ജൂലായ് 18നും 27നും മൗലവിയുടെ പ്രസില് വച്ച് മൗലവിയുമായി ഖുറാനെ കുറിച്ചുള്ള ചര്ച്ചകളും സംഘം നടത്തി. 1993 ജൂലായ് 29നാണ് ചേകന്നൂര് മൗലവിയെ തട്ടിക്കൊണ്ടു പോയത്.