ഐഎന്‍എല്‍ ഇടതുമുന്നണിക്കൊപ്പം

കോഴിക്കോട്: അടുത്ത നിയമസഭാ തിരഞ്ഞെടുപ്പില്‍ ഐഎന്‍എല്‍ ഇടതുമുന്നണിക്കൊപ്പം നില്‍ക്കുമെന്ന് ഐഎന്‍എല്‍ പ്രസിഡന്റ് ഇബ്രാഹിം സുലൈമാന്‍ സേഠ് അഭിപ്രായപ്പെട്ടു.

ജനുവരി 12 വെള്ളിയാഴ്ച വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം. ഈ തിരഞ്ഞെടുപ്പില്‍ യുഡിഎഫ്-ബിജെപി സഖ്യമുണ്ടാവുമെന്നും അദ്ദേഹം ആരോപിച്ചു. യുഡിഎഫ്-ബിജെപി കൂട്ടുകെട്ടിനെ എതിര്‍ക്കാനാണ് ഐഎന്‍എല്‍ ഇടതുമുന്നണിക്കൊപ്പം നില്‍ക്കുന്നതെന്നും അദ്ദേഹം പറഞ്ഞു.

ബിജെപിയെ വളര്‍ത്തുന്ന തരത്തിലുള്ള മതേതരപാര്‍ട്ടികളുടെ നിലപാട് അപകടം ചെയ്യും. ഇതിനെതിരെ ഐഎന്‍എല്‍ ബിജെപി വിരുദ്ധകക്ഷികള്‍ക്കൊപ്പം ചേരും.