ശബരിമല: മകരവിളക്കിന് പ്രത്യേക രക്ഷാസേന
പത്തനംതിട്ട: ജനവരി 14 ഞായറാഴ്ച ശബരിമലയില് നടക്കുന്ന മകരവിളക്ക് മഹോത്സവത്തോടനുബന്ധിച്ച് പ്രത്യേക രക്ഷാസേന രൂപീകരിച്ചു. റവന്യൂ, പൊലീസ്, ആരോഗ്യം, ഫയര്ഫോഴ്സ് എന്നീ വിഭാഗങ്ങളാണ് രക്ഷാസേനയില് ഉള്ളത്.
ജനവരി 12 വെള്ളിയാഴ്ച മുതല് 15 തിങ്കളാഴ്ച വരെ ആര്ഡിഒ സന്നിധാനത്തും പമ്പയിലും ക്യാമ്പ് ചെയ്യും. പത്തനംതിട്ട കളക്ടറേറ്റ്, കോഴഞ്ചേരി, റാന്നി താലൂക്ക് ഓഫീസുകള് എന്നിവിടങ്ങളില് 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകളും പ്രവര്ത്തിക്കും. കണ്ട്രോള് ടെലിഫോണ് നമ്പറുകള്: കളക്ടറേറ്റ്: 322507, റാന്നി താലൂക്ക് ഓഫീസ്: 527442.
മകരവിളക്കിനോടനുബന്ധിച്ച് രണ്ട് കാര്ഡിയോളജിസ്റുകളെ ശബരിമലയില് കൂടുതലായി നിയോഗിച്ചു. കൂടുതലായി 30 സ്ട്രെച്ചറുകളും അനുവദിച്ചിട്ടുണ്ട്. ആംബുലന്സുകളുള്ള ജില്ലയിലെ സ്വകാര്യ ആശുപത്രികള് ജനവരി 13 ശനിയാഴ്ച രാവിലെ മുതല് അവരവരുടെ ആംബുലന്സുകള് കളക്ടറേറ്റ് വളപ്പില് എത്തിക്കണമെന്ന് കളക്ടര് ഉത്തരവിട്ടിട്ടുണ്ട്. പത്തനംതിട്ട ജനറല് ആശുപത്രിയില് പാരാമെഡിക്കല് സ്റാഫിനെയും നിയോഗിച്ചിട്ടുണ്ട്.