എന്നെ അട്ടിമറിച്ചത് ബിന്‍ ലാദന്‍: ബേനസിര്‍

ഇസ്ലാമബാദ്: 1990 ല്‍ തന്നെ സ്ഥാനഭ്രഷ്ടയാക്കിയത് ഇസ്ലാമിക തീവ്രവാദി ഒസാമാ ബിന്‍ ലാദനും നവാസ് ഷെറീഫും ചേര്‍ന്നാണെന്ന് മുന്‍ പാക് പ്രധാനമന്ത്രി ബേനസിര്‍ ഭൂട്ടോ.

എന്റെ സര്‍ക്കാറിനെ അട്ടിമറിക്കാന്‍ ഒരു കോടി ഡോളറാണ് ബിന്‍ ലാദന്‍ ഒഴുക്കിയത് -ജനവരി 13 ശനിയാഴ്ച ഹെറാള്‍ഡ് പത്രത്തിനു നല്കിയ അഭിമുഖത്തില്‍ ബേനസിര്‍ ഭൂട്ടോ അഭിപ്രായപ്പെട്ടു.

അന്നത്തെ പ്രസിഡന്റ് ഫാറൂഖ് ലെഗാരിയും ഇന്റലിജന്‍സ് ഏജന്‍സിയിലെ കുഴപ്പക്കാരായ ചിലരും ഈ അട്ടിമറിക്കു കൂട്ടുനിന്നെന്നും ബേനസിര്‍ ആരോപിച്ചു.ഒരു വനിത പ്രധാനമന്ത്രി പദത്തിലിരിക്കുന്നത് ഇസ്ലാമിനെതിരാണെന്ന കാരണത്താലാണ് ഒസാമാ ബിന്‍ ലാദന്‍ ഈ അട്ടിമറിക്ക് പിന്നില്‍ പ്രവര്‍ത്തിച്ചതെന്നും അവര്‍ പറഞ്ഞു.