മദ്യദുരന്തം:പണംവാങ്ങിയ ഉദ്യോഗസ്ഥര്‍ക്കെതിരെ കേസ്

തിരുവനന്തപുരം: മണിച്ചനില്‍ നിന്ന് മാസപ്പടി പറ്റിയിരുന്ന പൊലീസ് -എക്സൈസ് വിഭാഗത്തിലെ 15ഓഫീസര്‍മാരുടെ പേരില്‍ കേസെടുക്കാന്‍ വിജിലന്‍സ് ഡയറക്ടര്‍ നിര്‍ദേശം നല്കി.

അഴിമതി നിരോധന നിയമത്തിലെ 7,8,9,10,12,13(1ഡി) എന്നീ വകുപ്പുകള്‍ പ്രകാരമാണ് ഉദ്യോഗസ്ഥര്‍ക്കെതിരെ കേസെടുക്കുക.നര്‍ക്കോട്ടിക് സെല്‍ ഡിവൈഎസ്പി രാജഗോപാല്‍ ,സസ്പെന്‍ഷനില്‍ കഴിയുന്ന ഡിവൈഎസ്പി ഐസക്ക്, സര്‍വീസില്‍ നിന്ന് വിരമിച്ച ഡിവൈഎസ്പി ശശിധരന്‍,മാന്നാര്‍ സിഐ രാധാകൃഷ്ണപിള്ള,പുനലൂര്‍ സിഐ വര്‍ഗീസ്,തിരുവനന്തപുരം ട്രാഫിക്ക് സ്റേഷനിലെ എസ്ഐ രാജേന്ദ്രന്‍, കടയ്ക്കാവൂര്‍ എസ്ഐ നസീര്‍ ,സസ്പെന്‍ഷനില്‍ കഴിയുന്ന അസിസ്റന്റ് എക്സൈസ് കമ്മീഷണര്‍ കനകരാജന്‍,തിരുവനന്തപുരത്ത് ഇന്റേണല്‍ ഓഡിറ്റ് വിഭാഗത്തിലെ എഇസി മോഹന്‍ദാസ് ,തിരുവനന്തപുരം എക്സൈസ് സിഐ വേലായുധന്‍ നായര്‍ ,കൊല്ലം എക്സൈസ് ഡിവിഷന്‍ ഓഫീസിലെ സിഐ നാസറുദ്ദീന്‍,ബോര്‍ഡ് ഓഫീസിലെ എഇസി റഹീം,എക്സൈസ് ഇന്‍സ്പെക്ടര്‍മാരായ ശശിധരന്‍,വിജയന്‍ എന്നിവര്‍ക്കെതിരെയാണ് കേസ് രജിസ്റര്‍ ചെയ്യുന്നത്.

അതേ സമയം മണിച്ചനില്‍ നിന്ന് പണം പറ്റിയ എംഎല്‍എമാരായ കടകംപള്ളി സുരേന്ദ്രന്‍,ഭാര്‍ഗവി തങ്കപ്പന്‍ ,സിപിഎം ജില്ലാസെക്രട്ടറി എം. സത്യനേശന്‍ എന്നിവര്‍ക്കെതിരെ കേസെടുക്കേണ്ടെന്ന് വിജിലന്‍സ് ഡയറക്ടര്‍ നിര്‍ദ്ദേശിച്ചിട്ടുണ്ട്.

അതുപോലെ യുവകോണ്‍ഗ്രസ് നേതാവ് എം.ഐ.ഷാനവാസ്,മുദാക്കല്‍ ശ്രീധരന്‍,കോലിയക്കോട് കൃഷ്ണന്‍നായര്‍,അജിത്(ഐഎന്‍ടിയുസി),പേരൂര്‍ക്കട സദാശിവന്‍ എന്നിവരും മണിച്ചനില്‍ നിന്ന് പണം വാങ്ങിയതായി ഡയറിയില്‍ കുറിച്ചിട്ടുണ്ട്.എന്നാല്‍ ഇവര്‍ക്കെതിരെയും കേസെടുത്തിട്ടില്ല.