കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മകരവിളക്ക് ഇന്ന്

  • By Staff
Google Oneindia Malayalam News

പത്തനംതിട്ട: ശബരിമല മകരവിളക്ക് മഹോത്സവം ജനവരി 14 ഞായറാഴ്ച നടക്കും.

തിരുവാഭരണ വിഭൂഷിതനായ അയ്യപ്പന്റെ വിഗ്രഹവും മകരജ്യോതിയും ദര്‍ശിക്കാന്‍ അഞ്ചു ലക്ഷത്തോളം അയ്യപ്പന്മാര്‍ സന്നിധാനത്തും പമ്പയിലുമായി തടിച്ചുകൂടിയിരിക്കുകയാണ്.

ഞായറാഴ്ച പുലര്‍ച്ചെ 5.15ന് മകരസംക്രമ പൂജ കഴിഞ്ഞു. വൈകീട്ട് 6.30നാണ് മകരവിളക്ക്. ദീപാരാധനയോടനുബന്ധിച്ചാണ് പൊന്നമ്പലമേട്ടില്‍ മകരജ്യോതി തെളിയുന്നത്.

മകരവിളക്കിനും മകരസംക്രമപൂജയ്ക്കും മുന്നോടിയായിട്ടുള്ള പമ്പാവിളക്ക് ദര്‍ശിച്ച് പതിനായിരക്കണക്കിന് അയ്യപ്പന്മാര്‍ ജനവരി 13 ശനിയാഴ്ച ആത്മസായൂജ്യം നേടി.

ജനവരി 12 വെള്ളിയാഴ്ച പുറപ്പെട്ട തിരുവാഭരണ ഘോഷയാത്ര ഞായറാഴ്ച ഉച്ചയ്ക്ക് 12 മണിയോടെ വലിയാനവട്ടത്ത് എത്തും. തിരുവിതാംകൂര്‍ ദേവസ്വം ബോര്‍ഡിന്റെയും അഖില ഭാരത അയ്യപ്പ സേവാ സംഘത്തിന്റെയും ആഭിമുഖ്യത്തില്‍ ഘോഷയാത്രയ്ക്ക് അവിടെ സ്വീകരണം നല്കും.

ഞായറാഴ്ച ഉച്ചപൂജയ്ക്ക് ശേഷം രണ്ടു മണിയോടെ നടയടച്ചു കഴിഞ്ഞാല്‍ വൈകീട്ട് അഞ്ചിനായിരിക്കും പിന്നെ നടതുറക്കുക. എന്നാല്‍ ദീപാരാധനയ്ക്കു ശേഷം മാത്രമേ അയ്യപ്പന്മാരെ പതിനെട്ടാം പടി ചവിട്ടാന്‍ അനുവദിക്കുകയുള്ളൂ.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X