• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കശ്മീര്‍ സമാധാന പ്രക്രിയ പരിശോധിക്കും: അദ്വാനി

  • By Staff

ദില്ലി: കശ്മീരില്‍ കേന്ദ്രസര്‍ക്കാര്‍ നടപ്പിലാക്കിയിരിക്കുന്ന സമാധാന പ്രക്രിയകള്‍ ദേശീയ സുരക്ഷാ സമിതി പരിശോധിക്കുമെന്ന് ആഭ്യന്തരമന്ത്രി എല്‍ കെ അദ്വാനി. സമാധാന പ്രക്രിയകള്‍ പുനസ്ഥാപിച്ചതിനു ശേഷം കശ്മീരില്‍ തീവ്രവാദികളുടെ ആക്രമണം വര്‍ധിച്ചു വരുന്ന സാഹചര്യത്തിലാണിത്.

സമാധാനശ്രമങ്ങളെ തുരങ്കം വയ്ക്കുന്ന രീതിയില്‍ തീവ്രവാദികള്‍ നടത്തുന്ന ആക്രമണങ്ങള്‍ക്ക് പാകിസ്ഥാന്റെ പിന്തുണയുണ്ടെന്ന് അദ്വാനി പരോക്ഷമായി സൂചിപ്പിച്ചു.ഭീകരപ്രവര്‍ത്തനങ്ങള്‍ക്ക് പാകിസ്ഥാന്റെ നിയന്ത്രണം ഇല്ലെന്ന പാക് സര്‍ക്കാരിന്റെ വാദം വിശ്വസിക്കാന്‍ പ്രയാസമുണ്ട്. ഇത്തരം പ്രവര്‍ത്തനങ്ങള്‍ തുടരുകയാണെങ്കില്‍ പ്രധാനമന്ത്രി മുന്‍കൈയെടുത്ത് നടപ്പാക്കിയ സമാധാന പ്രക്രിയ തുടരുന്നത് പുനരാലോചനയ്ക്കു വിധേയമാക്കേണ്ടി വരും-അദ്വാനി പറഞ്ഞു.

കഴിഞ്ഞ ദിവസം ജമ്മു-കശ്മീര്‍ മുഖ്യമന്ത്രി ഫറൂഖ് അബ്ദുള്ളയ്ക്കെതിരേ നടന്ന വധശ്രമം, ചെങ്കോട്ടയില്‍ അടുത്തയിടെ നടന്ന ഭീകരാക്രമണം, പ്രധാനമന്ത്രിയുടെ ഓഫീസിനു നേരെയുണ്ടായ സുരക്ഷാഭീഷണി തുടങ്ങിയവ അടുത്തു തന്നെ ചേരുന്ന ദേശീയ സുരക്ഷാ സമിതി വിലയിരുത്തും.

കശ്മീരിലെ അക്രമപ്രവര്‍ത്തനങ്ങള്‍ കുറയുകയും സംസ്ഥാനത്തു നിന്ന് പലായനം ചെയ്ത ജനങ്ങള്‍ തിരിച്ചെത്തുകയും ചെയ്യുന്ന സാഹചര്യം ഉണ്ടായാല്‍ മാത്രമേ കേന്ദ്രസര്‍ക്കാര്‍ കശ്മീരിലെ സമാധാനപ്രക്രിയകളില്‍ സംതൃപ്തമാവൂ- ആഭ്യന്തരമന്ത്രി വ്യക്തമാക്കി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more