മയക്കുമരുന്ന് കേസ്: മുഖ്യമന്ത്രി സി ബി ഐ അന്വേഷണം ആവശ്യപ്പെട്ടു
തിരിുവനന്തപുരം: സൗദി അറേബ്യയിലേയ്ക്ക് മയക്കുമരുന്ന് കള്ളക്കടത്തു നടത്തിയെന്ന കുറ്റം ചുമത്തപ്പെട്ട് തിരുവനന്തപുരം സ്വദേശി സന്തോഷ് കുമാര് ആ രാജ്യത്ത് വച്ച് വധിക്കപ്പെട്ട കേസില് സി ബി ഐ അന്വേഷണം വേണമെന്ന് മുഖ്യമന്ത്രി ഇ കെ നായനാര് ആവശ്യപ്പെട്ടു.
കേന്ദ്ര ആഭ്യന്തരമന്ത്രി എല് കെ അദ്വാനിക്കയച്ച കത്തിലാണ് മുഖ്യമന്ത്രി സംഭവത്തെക്കുറിച്ച് സി ബി ഐ അന്വേഷണം വേണമെന്ന ആവശ്യമുന്നയിച്ചിരിക്കുന്നത്. വിദേശത്ത് ജോലി ചെയ്യുന്ന നിഷ്കളങ്കരായ ഇന്ത്യാക്കാരുടെ സുരക്ഷ കേന്ദ്ര സര്ക്കാര് ഉറപ്പാക്കണമെന്നും നായനാര് കത്തില് ചൂണ്ടിക്കാട്ടിയിട്ടുണ്ട്.
സന്തോഷിന്റെ അമ്മ മുഖ്യമന്ത്രിക്കു സമര്പ്പിച്ച പരാതിയുടെ അടിസ്ഥാനത്തിലാണ് സി ബി ഐ അന്വേഷണം ആവശ്യപ്പെട്ട് മുഖ്യമന്ത്രി കേന്ദ്രത്തിന് കത്തെഴുതിയത്. തന്റെ മകന് നിരപരാധിയായിരുന്നുവെന്നും കേസില് കുടുക്കുകയായിരുന്നുവെന്നും സന്തോഷിന്റെ അമ്മ പരാതിയില് പറഞ്ഞിരുന്നു.
ഇക്കാര്യം ജനവരി 23 ചൊവാഴ്ച കോടതി വീണ്ടും പരിഗണിക്കും. അതിനകം വിവരങ്ങള് ഹാജരാക്കാനാണ് നിര്ദ്ദേശം.