കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മഞ്ചേരിയില്‍ സിഐടിയു നേതാവിനെ ആക്രമിച്ചു

  • By Staff
Google Oneindia Malayalam News

മഞ്ചേരി: മഞ്ചേരിയില്‍ സിഐടിയു നേതാവിനെ ഒരു സംഘം അക്രമികള്‍ വെട്ടിപ്പരിക്കേല്പിച്ചതിനെ തുടര്‍ന്ന് നഗരത്തില്‍ സംഘര്‍ഷാവസ്ഥ. സംഭവത്തെ തുടര്‍ന്ന് നഗരത്തിലെ ചില ഭാഗങ്ങളില്‍ അക്രമസംഭവങ്ങള്‍ അരങ്ങേറി.

ജനുവരി 16ചൊവാഴ്ച വൈകുന്നേരമാണ് സിഐടിയു സംസ്ഥാന എക്സിക്യൂട്ടീവംഗം പുന്നക്കല്‍ ഷംസുദ്ദീനെ (35) ഒരു സംഘം ആക്രമിച്ചത്. മഞ്ചേരിയിലെ ഫ്രീ സൂപ്പര്‍ മാര്‍ക്കറ്റ് മാനേജരായ ഷംസുദ്ദീനെ ഒരു സംഘം കടയില്‍ കയറി ആക്രമിക്കുകയായിരുന്നു.

കൈക്കും കാലിനും സാരമായി പരിക്കേറ്റ ഷംസുദ്ദീനെ എറണാകുളത്തേക്ക് കൊണ്ടുപോയി. ഷംസുദ്ദീന്റെ കൈയും കാലും അറ്റ നിലയിലാണ്.

സംഭവത്തെ തുടര്‍ന്ന് സിഐടിയു പ്രവര്‍ത്തകര്‍ ആയുധങ്ങളുമായി റോഡിലിറങ്ങി ഭീകരാന്തരീക്ഷം സൃഷ്ടിച്ചു. നഗരത്തിലെ കടകളെല്ലാം അടച്ചു. രണ്ട് എന്‍ഡിഎഫ് പ്രവര്‍ത്തകരുടെ കടകള്‍ സിഐടിയു പ്രവര്‍ത്തകര്‍ അടിച്ചുതകര്‍ത്തു.

മഞ്ചേരി ജില്ലാ ആശുപത്രിയുടെ പുതിയ ബ്ലോക്കിന് സമീപം സ്ഫോടകവസ്തു പൊട്ടിത്തെറിച്ച് ചന്തക്കുന്ന് ചെറാടിക്കല്‍ സി.കെ.മുഹമ്മദലിക്ക് ഗുരുതരമായി പരിക്കേറ്റു.

ഷംസുദ്ദീനെ അക്രമിച്ചതിനു പിന്നില്‍ എന്‍ഡിഎഫ് ആണെന്നാണ് സിഐടിയു ആരോപിക്കുന്നത്. നേരത്തെ ഇവിടെ ഇരുകൂട്ടരും തമ്മില്‍ സംഘട്ടനങ്ങള്‍ നടന്നിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X