സോണിയ തിങ്കളാഴ്ച കുംഭനഗരിയില്
അലഹാബാദ്: ലോക്സഭയിലെ പ്രതിപക്ഷ നേതാവും ഇന്ത്യന് നാഷണല് കോണ്ഗ്രസ് പ്രസിഡണ്ടുമായ സോണിയാ ഗാന്ധി ജനവരി 22 തിങ്കളാഴ്ച മഹാകുംഭ മേളയ്ക്കെത്തും.
പി.വി. നരസിംഹ റാവു സര്ക്കാരിലെ റെയില്വെ സഹമന്ത്രിയായിരുന്നു സത്പാല് മഹാരാജിന്റെ ക്യാമ്പില് ഒരു മതചടങ്ങില് സോണിയ സംബന്ധിക്കും. ഒട്ടേറെ മതവിഭാഗങ്ങളുടെ മേധാവികളും സന്യാസിമാരും പങ്കെടുക്കുന്നതാണ് ചടങ്ങ്. കൂടാതെ ഗംഗയിലെ ത്രിവേണി സംഗമത്തിലും സോണിയ പങ്കെടുക്കും.
സോണിയയുടെ വരവിന് സുരക്ഷാക്രമീകരണങ്ങള് തയ്യാറാക്കാനായി സ്പെഷ്യല് പ്രൊട്ടക്ഷന് ഗ്രൂപ്പിന്റെ (എസ്പിജി) ഒരു സംഘം ഇതിനകം തന്നെ അലഹാബാദിലെ കുംഭനഗരിയില് എത്തിക്കഴിഞ്ഞു.
സുരക്ഷാ പ്രശ്നങ്ങള് ഉള്ളതിനാല് സോണിയാഗാന്ധിയുടെ സന്ദര്ശന വിവരം ഇതുവരെ ഔദ്യോഗിഗമായി പ്രഖ്യാപിച്ചിട്ടില്ല. ജനവരി 21 ഞായറാഴ്ച എസ്പിജിയുമായി ചര്ച്ചകള് നടത്തിയതിനു ശേഷമേ ഇക്കാര്യം തീരുമാനിക്കുകയുള്ളൂ എന്നാണ് മേളയുടെ ഓഫീസര് ജീവേഷ് നന്ദന് പറഞ്ഞത്.