സമാധിയായ ജപ്പാന്കാരി ഉയിര്ത്തെഴുന്നേറ്റു
കുംഭനഗര്: കുംഭമേള നടക്കുന്ന കുംഭനഗരിയില് എല്ലാരെയും അമ്പരപ്പിച്ചുകൊണ്ട് മൂന്ന് ദിവസത്തെ സമാധിക്ക് ശേഷം ജപ്പാന്കാരിയായ യോഗിനി ഉയിര്ത്തെഴുന്നേറ്റു.
സമാധിയായ കെയ്കോ ഐകാവ എന്ന ജപ്പാന്കാരി ജനവരി 23 ചൊവാഴ്ചയാണ് ഉയിര്ത്തെഴുന്നേറ്റത് . ഗംഗാതീരത്ത് മൂന്ന് ദിവസം മണ്ണിനടിയില് കഴ ിഞ്ഞ അത്ഭുതയോഗിനിയെ കാണാന് ആയിരക്കണക്കിന് ആള്ക്കാരാണ് എത്തിയത്. ഗുരുവായ പൈലറ്റ് ബാബ ഐകാവക്ക് യോഗമാതാ കൈലഗിരി മാ എന്ന പുതിയ പേര് നല്കിയിരുന്നു.
ഉച്ചയോടെ മണ്ണിനടിയില് നിന്നും പുറത്ത് വന്ന യോഗിനി ജയ് കൈലഗിരി മാ എന്ന് ആര്ത്തുവിളിച്ച ജനങ്ങള്ക്കിടയിലൂടെ നടന്ന് പ്രത്യേകം തയാറാക്കിയ വേദിയിലെത്തി. അവിടെ കൈലഗിരിമായ്ക്കു വേണ്ടി അലങ്കരിച്ച വെല്വെറ്റ് സിംഹാസനം ഒരുക്കിയിരുന്നു. അനേകം ജപ്പാന്കാര് ഉള്പ്പെടുന്ന ആവേശഭരിതരായ ജനക്കൂട്ടത്തെ പൈലറ്റ് ബാബ പണിപ്പെട്ടാണ് നിയന്ത്രിച്ചത്.
നിങ്ങളുടെ സമാധാനത്തിനും സന്തോഷത്തിനും വേണ്ടിയാണ് ഞാന് സമാധിയിരുന്നത്. എല്ലാവര്ക്കും വേണ്ടി എന്റെ സ്നേഹം ഞാന് പങ്കിടുന്നു. നമ്മുടെ ഉള്ളിലെ ഈശ്വരനെ കണ്ടെത്തുന്നതില് പരാജയപ്പെട്ടതിനാലാണ് നമ്മള് വേദനയനുഭവിക്കുന്നത് - തിങ്ങിക്കൂടിയ ഭക്തരോട് യോഗിനി പറഞ്ഞു.
യോഗമാതാ അനുഗ്രഹിക്കുമ്പോള് ഇത് വിശ്വസിക്കാനാവുന്നില്ല, ഇത് വിശ്വസിക്കാനാവുന്നില്ല എന്ന് ജനവരി 20 ശനിയാഴ്ച യോഗിനിയുടെ സമാധി നേരില് കണ്ടവര് പുലമ്പുന്നുണ്ടായിരുന്നു.