പുതിയ ഫിയറ്റ് സിയന വിപണിയില്‍

മുംബൈ: ഫിയറ്റിന്റെ ലക്ഷ്വറി കാറായ സിയനയുടെ പുതിയ രണ്ടു മോഡലുകള്‍ ഇന്ത്യന്‍ വിപണിയിലിറങ്ങി.ഇഎല്‍എക്സ് പിഎസ്,ഇഎല്‍എക്സ് എസ്പി പിഎസ് എന്നീ മോഡലുകളാണ് ജനവരി 25 വ്യാഴാഴ്ച മുംബൈയില്‍ പുറത്തിറക്കിയത്. 1.2 ലിറ്റര്‍ പെട്രോളിന്റെയും 1.7 ലിറ്റര്‍ ഡീസലിന്റെയും എഞ്ചിനുകളുള്ള രണ്ടു മോഡലുകളാണ് ഇപ്പോള്‍ ഫിയറ്റ് സിയനെയ്ക്കുള്ളത്.കുറെക്കൂടി ശക്തിയേറിയ എഞ്ചിനുകളോട് കൂടിയതാണ് പുതിയ മോഡലുകള്‍.1581 സിസി കപാസിറ്റിയുള്ള 16 വാള്‍വുകളോടുകൂടിയ ടോര്‍ക് എഞ്ചിനുകളാണ് പുതിയ മോഡലുകള്‍ക്കുള്ളത്.

ഇഎല്‍എക്സ് പിഎസ് മോഡലിന് 6.80 ലക്ഷം രൂപയും ഇഎല്‍എക്സ് സ്പെഷ്യല്‍ മോഡലിന് 7.50 ലക്ഷം രൂപയുമാണ് മുംബൈയിലെ വില.ദില്ലിയില്‍ ഇത് യഥാക്രമം 6.91 ലക്ഷം രൂപയ്ക്കും 7.60 ലക്ഷം രൂപയ്ക്കും ലഭിയ്ക്കും.കരുത്തിന്റെ കാര്യത്തില്‍ ഇതിന് സമാനമായ ഫോര്‍ഡ് ഐക്കണ്‍ സെഡ്എക്സ് ഐ , മാരുതി ബലേനോ, ഓപെല്‍ കോര്‍സ ജിഎല്‍എസ് , ഹ്യൂണ്ടായ് ഏക്സന്റ് ജിഎല്‍എസ് എന്നീ മോഡലുകളേക്കാള്‍ വളരെ മുന്നിലാണ് പുതിയ സിയെനയുടെ സ്ഥാനമെന്ന് നിര്‍മ്മാതാക്കള്‍ അവകാശപ്പെടുന്നു.