കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വിജയരാജ സിന്ധ്യ അന്തരിച്ചു

  • By Staff
Google Oneindia Malayalam News

ദില്ലി: മുതിര്‍ന്ന ബിജെപി നേതാവ് വിജയരാജ സിന്ധ്യ അന്തരിച്ചു. ജനവരി 25 വ്യാഴാഴ്ച പുലര്‍ച്ചെ ദില്ലിയിലെ അപ്പോളോ ആശുപത്രിയില്‍ വെച്ചായിരുന്നു അന്ത്യം. 82 വയസ്സായിരുന്നു.

വൃക്കസംബന്ധമായ അസുഖത്തെ തുടര്‍ന്ന് ജനവരി രണ്ട് ചൊവാഴ്ച മുതല്‍ അവര്‍ ആശുപത്രിയിലായിരുന്നു. കഴിഞ്ഞ കുറെ ദിവസമായി കരളും വൃക്കകളും സാധാരണരീതിയില്‍ പ്രവര്‍ത്തിക്കാത്തതിനെ തുടര്‍ന്ന് സിന്ധ്യ അബോധാവസ്ഥയിലായിരുന്നു. ആശുപത്രിയില്‍ പ്രവേശിപ്പിച്ച ശേഷം ഒരിക്കല്‍ മാത്രമാണ് അവര്‍ സാധാരണ സ്ഥിതിയിലേക്ക് തിരിച്ചുവന്നത്.

കേന്ദ്രമന്ത്രി വസുന്ധരരാജ സിന്ധ്യയും ലോക്സഭയിലെ കോണ്‍ഗ്രസ് ഉപനേതാവ് മാധവറാവു സിന്ധ്യയും വിജയരാജ സിന്ധ്യയുടെ മക്കളാണ്.

പൊതുവെ രാജമാതാ എന്ന് അഭിസംബോധന ചെയ്യപ്പെടുന്ന വിജയരാജ സിന്ധ്യ ഏഴു തവണ പാര്‍ലമെന്റിലെത്തിയിട്ടുണ്ട്. രണ്ടു തവണ അവര്‍ രാജ്യസഭാ അംഗമായിരുന്നു. കൂടാതെ മധ്യപ്രദേശ് നിയമസഭയിലേക്കും തിരഞ്ഞെടുക്കപ്പെട്ടിട്ടുണ്ട്. അനാരോഗ്യം കാരണം 1999ലെ പൊതു തിരഞ്ഞെടുപ്പില്‍ അവര്‍ മത്സരിച്ചിരുന്നില്ല.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X