മന്ത്രിസഭ രാജിവെക്കണം : കരുണാകരന്‍

തിരുവനന്തപുരം: കേരളത്തിലെ നായനാര്‍ മന്ത്രിസഭ ഉടന്‍ രാജിവെച്ച് ജനവിധി തേടണമെന്ന് മുന്‍ മുഖ്യമന്ത്രിയും കോണ്‍ഗ്രസ് നേതാവുമായ കെ. കരുണാകരന്‍ ആവശ്യപ്പെട്ടു.

സിപിഎം അക്രമങ്ങള്‍ക്കെതിരെ യൂത്ത് കോണ്‍ഗ്രസ് ഐ വിഭാഗം തിരുവനന്തപുരത്ത് സെക്രട്ടേറിയറ്റിനു മുന്നില്‍ നടത്തിയ മാര്‍ച്ച് ജനവരി 25 ബുധനാഴ്ച ഉദ്ഘാടനം ചെയ്യുകയായിരുന്നു അദ്ദേഹം.

എംപിമാരായ കെ. മുരളീധരന്‍, വി.എസ്. ശിവകുമാര്‍, യൂത്ത് കോണ്‍ഗ്രസ് സംസ്ഥാന കണ്‍വീനര്‍ ജോസി സെബാസ്റ്യന്‍ എന്നിവര്‍ പങ്കെടുത്തു.