ആരോഗ്യ ഉദ്യോഗസ്ഥരെ വിചാരണ ചെയ്യുന്നു

കൊച്ചി: കൊച്ചി നഗരത്തിലെ കൊതുകുനിവാരണ പ്രവര്‍ത്തനങ്ങള്‍ സംബന്ധിച്ച കേസില്‍ വിചാരണയ്ക്ക് ഹാജരാകണമെന്ന് നഗരസഭയിലെ ആരോഗ്യവകുപ്പ് ഉദ്യോഗസ്ഥര്‍ക്ക് ഓംബുഡ്സ്മാന്‍ നിര്‍ദേശം നല്‍കി. കൊതുകുശല്യം സംബന്ധിച്ച് ഓംബുഡ്സ്മാന്‍ നേരത്തെ സ്വമേധയാ കേസെടുത്തിരുന്നു. അതിന്റെ തുടര്‍ച്ചയായാണ് വിചാരണ.

ചെയര്‍മാന്‍ ജസ്റിസ് പി.എ.മുഹമ്മദ്, ഡോ.ഡി.ബാബു പോള്‍ തുടങ്ങിയവരടങ്ങിയ സമിതി തിങ്കളാഴ്ച കൊച്ചിയില്‍ സിറ്റിംഗ് നടത്തി. ജനകീയാസൂത്രണ പദ്ധതി നടത്തിപ്പിലെ അഴിമതിയും കെട്ടിടനിര്‍മാണച്ചട്ടങ്ങളുടെ ലംഘനവും സംബന്ധിച്ച പരാതികളാണ് സമിതി മുമ്പാകെ കൂടുതലായി എത്തിയത്. ചില കേസുകളില്‍ വിജിലന്‍സ് അന്വേഷണം നടത്തണമെന്ന് ഓംബുഡ്സ്മാന്‍ ഉത്തരവിട്ടിട്ടുണ്ട്.

ജനകീയാസൂത്രണ നടത്തിപ്പില്‍ പദ്ധതികളുടെ എസ്റിമേറ്റ് പൊതുജനങ്ങള്‍ക്കായി പ്രദര്‍ശിപ്പിക്കണമെന്നും മറ്റൊരു ഉത്തരവില്‍ ഓംബുഡ്സ്മാന്‍ നിര്‍ദേശിച്ചു.