ശിഹാബ് തങ്ങളെ ആദരിക്കാന് സോണിയ എത്തും
കോഴിക്കോട്: മുസ്ലീം ലീഗ് അധ്യക്ഷപദവിയില് കാല് നൂറ്റാണ്ട് പൂര്ത്തിയാക്കുന്ന പാണക്കാട് സയ്യിദ് മുഹമ്മദലി ശിഹാബ് തങ്ങളെ ആദരിക്കുന്നു.
ജനവരി 31 ബുധനാഴ്ച വൈകീട്ട് കോഴിക്കോട് കടപ്പുറത്താണ് ആദരിക്കല് ചടങ്ങ്.അഞ്ചു ലക്ഷത്തോളം ആളുകള് പങ്കെടുക്കുന്ന സ്വീകരണച്ചടങ്ങ് കോണ്ഗ്രസ് അധ്യക്ഷ സോണിയഗാന്ധി ഉദ്ഘാടനം ചെയ്യുമെന്ന് സംഘാടകസമിതി ചെയര്മാന് ഇ.അഹമ്മദ് എംപി ,ജനറല് കണ്വീനര് കെ.മുരളീധരന് എംപി ,കണ്വീനര് എം.കെ.മുനീര് എംഎല്എ എന്നിവര് പത്രസമ്മേളനത്തില് അറിയിച്ചു.
ഖത്തര് രാജകുടുംബാംഗമായ ശെയ്ഖ് മുഹമ്മദ് ബിന് ഹമദ് അല്ത്താനി ചടങ്ങില് പങ്കെടുക്കും.അദ്ദേഹം ശിഹാബ് തങ്ങള്ക്ക് ഉപഹാരം നല്കും.ശിഹാബ് തങ്ങളെപ്പറ്റിയുള്ള ഗ്രന്ഥം എഐസിസി ജനറല് സെക്രട്ടറി ഗുലാം നബി ആസാദ് പ്രകാശനം ചെയ്യും.ലീഗ് സംസ്ഥാന ജനറല് സെക്രട്ടറി കൊരമ്പയില് അഹമ്മദ് ഹാജി ആദ്യ പ്രതി ഏറ്റുവാങ്ങും.
പാലസ്തീന് അംബാസഡര്, ഡോ.ഖാലിദ്, അല്ഷെയ്ഖ്,കെ.കരുണാകരന്, എ.കെ.ആന്റണി, ജി.എം.ബനാത്ത്വാല, പി.കെ.കുഞ്ഞാലിക്കുട്ടി, കെഎം.മാണി, യുഡിഎഫ് കണ്വീനര് കെ.ശങ്കരനാരായണന്, ഖത്തര് മജ്ലീസ് ശൂറാഅംഗം ഡോ.അഹമ്മദ് മുഹമ്മദ് ഉബൈദാന്,അബ്ദു സമദ് സമദാനി എന്നിവര് പ്രസംഗിക്കും.