ടെന്റുകള്‍ വാങ്ങാന്‍ ഗുജറാത്തിന് 25 ലക്ഷം

തിരുവനന്തപുരം: ഗുജറാത്തില്‍ ഭൂകമ്പത്തിനിരയായവരെ പുനരധിവസിപ്പിക്കുന്നതിന് മുഖ്യമന്ത്രി 25 ലക്ഷം കൂടി അനുവദിച്ചു.

ടെന്റുകളും കമ്പിളികളും വാങ്ങാനാണ് ഈ തുക ഉപയോഗിക്കുക.ഭൂകമ്പബാധിത പ്രദേശങ്ങള്‍ സന്ദര്‍ശിച്ച ആരോഗ്യമന്ത്രി വി.സി.കബീറിന്റെ റിപ്പോര്‍ട്ടിന്റെ അടിസ്ഥാനത്തിലാണ് ഈ തുക അനുവദിച്ചത്.

ആവശ്യമായ ടെന്റുകളും കമ്പിളികളും വാങ്ങി എത്തിക്കാന്‍ ദില്ലിയിലെ കേരള ഹൗസ് അസിസ്റന്റ് റസിഡന്റ് കമ്മീഷണര്‍ ഗോയലിന് ആരോഗ്യമന്ത്രി നിര്‍ദ്ദേശം നല്കിയിട്ടുണ്ട്.