കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അഡ്വ.ഉമ്മര്‍ മലപ്പുറം ജില്ലാ പഞ്ചായത്ത് പ്രസിഡന്റ്

  • By Staff
Google Oneindia Malayalam News

മലപ്പുറം: ഇന്ത്യന്‍ യൂണിയന്‍ മുസ്ലീം ലീഗ് നേതാവ് അഡ്വ.എം.ഉമ്മര്‍ മലപ്പുറം ജില്ലാ പഞ്ചായത്ത് പ്രസിഡന്റായി തിരഞ്ഞെടുക്കപ്പെട്ടു. മുസ്ലീം ലീഗിലെ തന്നെ അബ്ദുറഹിമാന്‍ രണ്ടത്താണി ആണ് വൈസ് പ്രസിഡന്റ്.

ഫിബ്രവരി അഞ്ച് തിങ്കളാഴ്ച രാവിലെ മലപ്പുറം ലീഗ് ഹൗസില്‍ മുസ്ലീം ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുഹമ്മദലി ശിഹാബ് തങ്ങളാണ് ജില്ലാ പഞ്ചായത്ത് ഭാരവാഹികളുടെ പേരുവിവരം പ്രഖ്യാപിച്ചത്. പിന്നീട് മലപ്പുറം ജില്ലാ പഞ്ചായത്ത് ഓഫീസില്‍ പ്രസിഡന്റ് തിരഞ്ഞെടുപ്പ് നടന്നു.

ജില്ലാ പഞ്ചായത്തിലെ മുസ്ലീം ലീഗ് പാര്‍ലമെന്ററി പാര്‍ട്ടി ലീഡര്‍ എം.സി.മുഹമ്മദ് ഹാജിയും ഡെപ്യൂട്ടി ലീഡര്‍ തൂപ്പിലക്കാട്ട് മൂസയും ആയിരിക്കും. പി.ഉബൈദുള്ളയാണ് സെക്രട്ടറി. വിപ്പ് ആയി അഡ്വ.കെ.പി.മറിയുമ്മയുടെയും ട്രഷറര്‍ ആയി എ.പി.ഉണ്ണിക്കൃഷ്ണന്റെയും പേരുകളും ശിഹാബ് തങ്ങള്‍ നിര്‍ദ്ദേശിച്ചിട്ടുണ്ട്.

കെ.ടി.ജലീല്‍, പി.കെ.കുഞ്ഞു ഉമ്മര്‍ അറയ്ക്കല്‍ എന്നിവരെ വിവിധ സ്റാന്‍ഡിങ് കമ്മിറ്റി ചെയര്‍മാന്മാരായി നിശ്ചയിച്ചിരുന്നുവെങ്കിലും ഇവരുടെ തിരഞ്ഞെടുപ്പ് തിങ്കളാഴ്ച നടന്നില്ല. ബാക്കിയുള്ള രണ്ട് സ്റാന്‍ഡിങ് കമ്മിറ്റി ചെയര്‍മാന്‍ സ്ഥാനങ്ങള്‍ കോണ്‍ഗ്രസ്സിന് നല്കിയിരിക്കുകയാണ്.

കരുവാരക്കുണ്ട് സ്വദേശിയാണ് മുസ്ലീം ലീഗ് സംസ്ഥാന പ്രവര്‍ത്തക സമിതിയംഗം കൂടിയായ അഡ്വ.ഉമ്മര്‍. എടവണ്ണ ഡിവിഷനില്‍ നിന്നാണ് ഇത്തവണ അദ്ദേഹം ജില്ലാ പഞ്ചായത്തംഗമായത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X