സിപിഎം: ആദ്യ സ്ഥാനാര്ത്ഥി പട്ടികയായി
തിരുവനന്തപുരം : സിപിഎമ്മിന്റെ ആദ്യ സ്ഥാനാര്ത്ഥി പട്ടിക ഏതാണ്ട് പൂര്ത്തിയായി .
കേരളത്തിലെ 14 ജില്ലകളിലെയും സിപിഎം ജില്ലാ സമിതികള് അതാത് ജില്ലകളിലെ സ്ഥാനാര്ത്ഥി പട്ടിക ഏതാണ്ട് പൂര്ത്തിയാക്കിക്കഴിഞ്ഞു . എന്നാല് ഈ ലിസ്റ് സംസ്ഥാന നേതൃത്വം വിശദമായി പരിശോധിച്ച് ആവശ്യമായ മാറ്റങ്ങള് വരുത്തും .
ഫിബ്രവരി 13 ചൊവാഴ്ച സിപഎം സംസ്ഥാന സെക്രട്ടേറിയറ്റും ഫിബ്രവരി 14 ബുധനാഴ്ച സംസ്ഥാന സമിതിയും ചേരുന്നുണ്ട് . ഇതില് സ്ഥാനാര്ത്ഥി പട്ടികയ്ക്ക് അവസാന രൂപം നല്കും . എന്തായാലും സ്ഥാനാര്ത്ഥി പട്ടിക തയ്യാറാക്കുന്ന കാര്യത്തില് സിപിഎം കോണ്ഗ്രസിനേക്കാള് ബഹുദൂരം മുന്നിലാണ് .
എറണാകുളം ജില്ലയില് എല്ലാ എംഎല്എ മാര്ക്കും സിറ്റിംഗ് സീറ്റു നല്കാന് എറണാകുളം ജില്ലാ കമ്മിറ്റി തീരുമാനിച്ചിട്ടുണ്ട് . കണ്ണൂര് ജില്ലയില് ആറ് സിറ്റിംഗ് എംഎല്എമാരില് നായനാരും പിണറായി വിജയനുമൊഴികെ ബാക്കിയെല്ലാവരും മത്സരിക്കുമെന്ന് കരുതുന്നു .
അതേ സമയം സിപിഎം ജില്ലാ സെക്രട്ടറിമാരെ മത്സരിപ്പിക്കേണ്ടെന്ന തീരുമാനത്തിന്റെ കാര്യത്തില് സംസ്ഥാന നേതൃത്വം ഉറച്ചുനില്ക്കുകയാണ് . അങ്ങിനെയെങ്കില് കണ്ണൂരില് ഇ.പി. ജയരാജന് മത്സരിക്കില്ല . അതേ സമയം കൊടിയേരി ബാലകൃഷ്ണന് ഇക്കുറി മത്സരിക്കാന് സാധ്യതയുണ്ട് .തൃശൂരില് പി.ടി.കുഞ്ഞുമുഹമ്മദ് മത്സരിക്കുമെന്ന് ഉറപ്പായിട്ടുണ്ട് .
Click it and Unblock the Notifications
Sign in with Google