മണിപ്പൂര്‍ മുഖ്യമന്ത്രി രാജിവച്ചു

ഇംഫാല്‍ : മണിപ്പൂരില്‍ ഭരണകക്ഷിയായ മണിപ്പൂര്‍ സ്റേറ്റ് കോണ്‍ഗ്രസില്‍ പിളര്‍പ്പുണ്ടായതിനെ തുടര്‍ന്ന് ഭൂരിപക്ഷം നഷ്ടപ്പെട്ട മണിപ്പൂര്‍ മുഖ്യമന്ത്രി നിപാമാച്ച സിങ് രാജിവച്ചു .

പകരം പ്രതിപക്ഷത്തായിരുന്ന സമതാപാര്‍ട്ടിയിലെ രാധാബിനോദ് കൊയ്ജാം പുതിയ മന്ത്രിസഭയുണ്ടാക്കിയേക്കും . രാധാബിനോദിന് സ്റേറ്റ് കോണ്‍ഗ്രസില്‍ നിന്ന് പിളര്‍ന്നു പോയ വിമത ഗ്രൂപ്പിന്റെ പിന്തുണയുണ്ട് .

മന്ത്രിസഭയുണ്ടാക്കാന്‍ രാധാബിനോദ് കൊയ്ജാം അവകാശവാദമുന്നയിച്ചിട്ടുണ്ട് . 60 അംഗ മന്ത്രിസഭയില്‍ തനിക്ക് 39 അംഗങ്ങളുടെ പിന്തുണയുള്ളതായി രാധാബിനോദ് അവകാശപ്പെടുന്നു .