ഇരുമുന്നണിയുടെയും അമരക്കാര്‍ പാലക്കാട്ടേക്ക്

  • Posted By:
Subscribe to Oneindia Malayalam

കൊച്ചി: സംസ്ഥാനത്തെ രണ്ട് പ്രബല മുന്നണികളുടെയും അമരക്കാര്‍ ജനവിധി തേടുന്നതിന് പാലക്കാട്ടേക്ക് .

ഇടതുമുന്നണി കണ്‍വീനര്‍ വി.എസ് . അച്യുതാനന്ദനെ പാലക്കാട് ജില്ലയിലെ മലമ്പുഴ നിയോജകമണ്ഡലത്തില്‍ മത്സരിപ്പിക്കാന്‍ സിപിഎം തീരുമാനിച്ചതിന് പിന്നാലെ ഐക്യജനാധിപത്യമുന്നണി കണ്‍വീനര്‍ കെ.ശങ്കരനാരായണനും പാലക്കാട് നിയോജകമണ്ഡലത്തില്‍ നിന്ന് ജനവിധി തേടുമെന്ന് വ്യക്തമാക്കി . എ.കെ. ആന്റണി നയിക്കുന്ന കേരള മോചന യാത്രയുടെ സംഘാടകനായി കൊച്ചിയിലെത്തിയ ശങ്കരനാരായണന്‍ എറണാകുളം ഗസ്റ് ഹൗസില്‍ മാധ്യമപ്രവര്‍ത്തകരുമായി സംസാരിക്കവെയാണ് പാലക്കാട് മത്സരിക്കുന്ന കാര്യം വെളിപ്പെടുത്തിയത് .

കേരള മോചനയാത്ര 24 ന് തിരുവനന്തപുരത്ത് സമാപിക്കും . മോചനയാത്ര സമാപനത്തിന് ശേഷം 26 ന് വൈകീട്ട് അഞ്ചിന് യുഡിഎഫ് സീറ്റ് വിഭജന ചര്‍ച്ച ആരംഭിക്കും. കോണ്‍ഗ്രസ് സ്ഥാനാര്‍ഥി നിര്‍ണയത്തിനും ഇതോടൊപ്പം തുടക്കമിടും . മാര്‍ച്ച് ആദ്യവാരത്തില്‍ തന്നെ ചര്‍ച്ചകള്‍ പൂര്‍ത്തിയാക്കി സ്ഥാനാര്‍ഥി പട്ടിക പുറത്തിറക്കുമെന്നും യുഡിഎഫ് കണ്‍വീനര്‍ പറഞ്ഞു .

നവകേരള സൃഷ്ടിയെന്ന അജണ്ടയുമായാണ് യുഡിഎഫ് പ്രകടന പത്രിക പുറത്തിറക്കുക. സിപിഎം ഭരണത്തില്‍ കേരളത്തിനേറ്റ തിരിച്ചടികള്‍ മറികടക്കുന്നതിനുള്ള ആക്ഷന്‍ പ്ലാന്‍ യുഡിഎഫ് തയ്യാറാക്കും . സമയബന്ധിതമായി നടപ്പാക്കാനാകുന്ന പരിപാടികളാണ് പ്രകടനപത്രിയില്‍ ഉള്‍ക്കൊള്ളിക്കുക .

സംസ്ഥാനത്തെ ജനങ്ങളുടെ വികാരം മാനിക്കുന്ന പ്രകടനപത്രികയായിരിക്കും യുഡിഎഫിന്റേതെന്ന് ശങ്കരനാരായണന്‍ വ്യക്തമാക്കി . എറണാകുളം ഗസ്റ് ഹൗസില്‍ ഇന്നലെ രാവിലെ ചേര്‍ന്ന യുഡിഎഫ് നേതാക്കന്‍മാരുടെ യോഗം കേരള മോചനയാത്രയെ കുറിച്ച് വിലയിരുത്തി . എ.കെ. ആന്റണിയുടെ അധ്യക്ഷതയിലായിരുന്നു യോഗം . തൃശൂര്‍ ഒഴികെയുള്ള ജില്ലകളില്‍ യാത്രയ്ക്ക് ലഭിച്ച പ്രതികരണം എല്ലാ പ്രതീക്ഷകളെയും കവച്ചുവയ്ക്കുന്നതായിരുന്നെന്ന് യോഗം വിലയിരുത്തി .

നിങ്ങളുടെ ജീവിത പങ്കാളിയെ കണ്ടെത്തൂ കേരള മാട്രിമോണിയിൽ - രജിസ്ട്രേഷൻ സൗജന്യം!

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more