കെ എസ് ഇ ബി കടമെടുത്തത് 4015 കോടി

തിരുവനന്തപുരം: സംസ്ഥാന വൈദ്യുതി ബോര്‍ഡ് ഈ സര്‍ക്കാരിന്റെ ഭരണകാലത്ത് 4015.55 കോടി രൂപ വിവിധ ധനകാര്യ സ്ഥാപനങ്ങളില്‍ നിന്നും കടമെടുത്തു. ഫിബ്രവരി 20 ചൊവാഴ്ച വൈദ്യുതി മന്ത്രി എസ് ശര്‍മ്മ നിയമസഭയെ അറിയിച്ചതാണിത്. 2000 ഡിസംബര്‍ 31 വരെയുള്ള കാലയളവിലാണ് കെ എസ് ഇ ബി ഇത്രയും തുക കടമെടുത്തിട്ടുള്ളത്.

പലിശയിനത്തില്‍ വിവിധ ധനകാര്യ സ്ഥാപനങ്ങള്‍ക്ക് കെ എസ് ഇ ബി ഈ സാമ്പത്തിക വര്‍ഷം 531.42 കോടി രൂപ നല്‍കിക്കഴിഞ്ഞു. പരസ്യക്കൂലിയായി ബോര്‍ഡ് ഈ സാമ്പത്തിക വര്‍ഷം ഇതു വരെ രണ്ടു കോടിയോളം രൂപ ചിലവഴിച്ചുവെന്നും മന്ത്രി ശര്‍മ്മ അറിയിച്ചു.