ഗുജറാത്തില്‍ വീണ്ടും ഭൂചലനം

അഹമ്മദാബാദ്: ഗുജറാത്തില്‍ ഫിബ്രവരി 22 വ്യാഴാഴ്ച രാവിലെ ഭൂചലനമുണ്ടായതായി കാലാവസ്ഥാ നിരീക്ഷണ കേന്ദ്രം അറിയിച്ചു.

രണ്ട് തവണ ഭൂചലനം അനുഭവപ്പെട്ടു. ഏറ്റവും ശക്തിയേറിയത് റിക്ടര്‍ സ്കെയിലില്‍ 4.6 രേഖപ്പെടുത്തി. വ്യാഴാഴ്ച രാവിലെ 7.43 നായിരുന്നു ഈ ചലനം.

രണ്ടാമത്തെ ശക്തികുറഞ്ഞ ചലനം റിക്ടര്‍ സ്കെയിലില്‍ മൂന്ന് രേഖപ്പെടുത്തി. വ്യാഴാഴ്ച ഗുജറാത്തിന്റെ വിവിധ ഭാഗങ്ങളിലായി 10 ചലനങ്ങള്‍ രേഖപ്പെടുത്തി. അതേ സമയം കാര്യമായ നാശനഷ്ടങ്ങളുണ്ടായതായി റിപ്പോര്‍ട്ടില്ല.