ആകാശ് മിസൈല്‍ വിക്ഷേപിച്ചു

ചന്ദിപൂര്‍: ഇന്ത്യയുടെ മധ്യദൂര മിസൈലായ ആകാശിന്റെ ഫിബ്രവരി 27 ചൊവാഴ്ച നടന്ന പരീക്ഷണ വിക്ഷേപണം വിജയിച്ചു.

ഒറീസയിലെ ചന്ദിപൂരിലെ വിക്ഷേപണകേന്ദ്രത്തില്‍ നിന്നും ഇന്ത്യന്‍ സമയം ഉച്ചയ്ക്ക് 12.36 ന് ആകാശ് വിക്ഷേപിച്ചത്. ഭൂതല-ആകാശ വിക്ഷേപണ മിസൈലുകളുടെ ഇനത്തില്‍ പെട്ടതാണ് ആകാശ്. വിക്ഷേപണ സമയത്ത് ഇന്ത്യന്‍ പ്രതിരോധ ഗവേഷണ വികസന സംഘടനയിലെ(ഡിആര്‍ഡിഒ) ഉദ്യോഗസ്ഥരും സന്നിഹിതരായിരുന്നു.

25 കിലോമീറ്റര്‍ വരെയുള്ള ദൂരപരിധിയിലുള്ള ശത്രുവിമാനങ്ങള്‍ക്ക് നേരെ പ്രയോഗിക്കാവുന്ന ആകാശിന് ഒരേ സമയം പല ലക്ഷ്യസ്ഥാനങ്ങളില്‍ ആഘാതമേല്പിക്കാന്‍ കഴിവുണ്ട്.