കൊച്ചി തുറമുഖത്തിന്റെ പരിധി കൂട്ടുന്നു

കൊച്ചി: കൊച്ചി തുറമുഖത്തിന്റെ ആഴം 30 മീറ്റര്‍ കൂടി വര്‍ധിപ്പിക്കും. പഴയ കൊച്ചി ലൈറ്റ് ഹൗസിന്റെ വടക്കോട്ടും തെക്കോട്ടും 10 നോട്ടിക്കല്‍ മൈല്‍(20250 അടി) കൂടി തുറമുഖത്തിന്റെ വ്യാപ്തി കൂട്ടും. ഇത് സംബന്ധിച്ച് കേന്ദ്ര ഷിപ്പിംഗ് മന്ത്രാലയം ഉത്തരവ് പുറപ്പെടുവിച്ച് കഴിഞ്ഞതായി പോര്‍ട്ട് ട്രസ്റ് ചെയര്‍മാന്‍ ജേക്കബ് തോമസ് മാര്‍ച്ച് ഒന്ന് വ്യാഴാഴ്ച പറഞ്ഞു.

വ്യാപ്തി കൂട്ടിക്കഴിഞ്ഞാല്‍ തെക്ക് ഭാഗത്ത് ചെല്ലാനവും വടക്ക് ഭാഗത്ത് വൈപ്പിനും തുറമുഖ പരിധിയില്‍ പെടും. തുറമുഖവുമായി ബന്ധപ്പെട്ടുള്ള ഒട്ടേറെ വികസന പദ്ധതികള്‍ പോര്‍ട്ട് ട്രസ്റ് തിരക്കിട്ട് നടത്തിവരികയാണ്. വല്ലാര്‍പാടത്ത് ട്രാന്‍സ്ഷിപ്മെന്റ് കണ്ടെയ്നര്‍, പുതുവയ്പില്‍ ദ്രവീകൃത പ്രകൃതി വാതക ടെര്‍മിനല്‍ , യാത്രാ കപ്പലുകള്‍ക്കുള്ള പാസഞ്ചര്‍ ടെര്‍മിനല്‍ , ഹാര്‍ബറിനു പുറത്ത് ഒരു അന്താരാഷ്ട്ര ബങ്കറിങ് ടെര്‍മിനല്‍ എന്നിവ ഈ പുതിയ വികസന പദ്ധതികളില്‍ പെടുന്നു.

ഈ വികസന പദ്ധതികളാണ് തുറമുഖത്തിന്റെ വ്യാപ്തികൂട്ടാന്‍ പ്രേരണയായതെന്നും ജേക്കബ് തോമസ് അഭിപ്രായപ്പെട്ടു.