ഛോട്ടാ രാജന്റെ അനുയായികള്‍ കൊല്ലപ്പെട്ടു

മുംബൈ: അധോലോക തലവന്‍ ഛോട്ടാരാജന്റെ സംഘത്തിലുള്ള മൂന്ന് പേര്‍ മുംബൈ പൊലീസുമായുള്ള ഏറ്റുമുട്ടലില്‍ വെടിയേറ്റ് മരിച്ചു.

മാര്‍ച്ച് മൂന്ന് ശനിയാഴ്ച രാത്രി വടക്കന്‍ മുംബൈയിലുള്ള കാണ്ഡിവലിയില്‍ വച്ചുണ്ടായ ഏറ്റുമുട്ടലിലാണ് ഇവര്‍ കൊല്ലപ്പെട്ടതെന്ന് മാര്‍ച്ച് നാല് ഞായറാഴ്ച പൊലീസ് അറിയിച്ചു. ഛോട്ടാ രാജന്റെ സംഘത്തിലുള്ള രമേശ് സുര്‍വെ എന്നയാള്‍ ഒരു ഭൂമിയിടപാടുകാരനില്‍ നിന്നും പണം വാങ്ങാനെത്തുമെന്ന രഹസ്യവിവരം ലഭിച്ചതിനെ തുടര്‍ന്നാണ് പൊലീസ് വല വിരിച്ചത്.

സുര്‍വെയോടും കൂട്ടാളികളോടും കീഴടങ്ങാനാവശ്യപ്പെട്ടിട്ടും അവരതിന് തയാറാകാത്തതിനെ തുടര്‍ന്നാണ് പൊലീസ് നിറയൊഴിച്ചത്. മരിച്ച മറ്റ് രണ്ട് പേരെയും തിരിച്ചറിഞ്ഞിട്ടില്ല.