ബാലകൃഷ്ണപിള്ളയ്ക്ക് അറസ്റ് വാറണ്ട്
തിരുവനന്തപുരം: ഗ്രാഫൈറ്റ് കേസില് മുന് മന്ത്രി ആര്. ബാലകൃഷ്ണപിള്ള എംഎല്എക്കെതിരെ വിജിലന്സ് കോടതി അറസ്റ് വാറണ്ട് പുറപ്പെടുവിച്ചു.
വൈദ്യുതി ബോര്ഡ് മുന് ചെയര്മാന് പി. കേശവപിള്ളയ്ക്കെതിരെയും അറസ്റ് വാറണ്ട് പുറപ്പെടുവിച്ചിട്ടുണ്ട്. മാര്ച്ച് എട്ട് വ്യാഴാഴ്ചയാണ് വിജിലന്സ് കോടതി ഇവര്ക്കെതിരെ വാറണ്ട് പുറപ്പെടുവിച്ചത്. ഗ്രാഫൈറ്റ് കേസിലെ ഒന്നാം പ്രതിയായ ബാലകൃഷ്ണപിള്ളയെ ഇന്ത്യയിലെവിടെ നിന്നും അറസ്റ് ചെയ്യാന് അധികാരപ്പെടുത്തിക്കൊണ്ടുള്ള വാറണ്ടാണ് എന്ക്വയറി കമ്മീഷണര് ആന്ഡ് സ്പെഷ്യല് ജഡ്ജ് എന്. കെ. ബാലകൃഷ്ണന് പുറപ്പെടുവിച്ചത്.
വിജിലന്സ് കോടതി വിധി ഹൈക്കോടതി ശരിവയ്ക്കുകയും കോടതിയില് ഹാജരാകാന് പ്രതികളോട് ആവശ്യപ്പെടുകയും ചെയ്തിരുന്നു. ഇത് വരെയും പ്രതികള് ഹാജരാകാത്തത്തിനാലാണ് അറസ്റ് വാറണ്ട് പുറപ്പെടുവിച്ചിരിക്കുന്നത്. സുപ്രീം കോടതിയില് അപ്പീല് നല്കുന്ന കാര്യങ്ങളുമായി ബന്ധപ്പെട്ട് ഇപ്പോള് ദില്ലിയിലുള്ള പിള്ള കീഴടങ്ങാന് സന്നദ്ധത പ്രകടിപ്പിച്ചതായി അറിയുന്നു.