പുതിയ മൂന്നാം മുന്നണി രൂപീകരിച്ചു

ദില്ലി: കോണ്‍ഗ്രസിതര പ്രതിപക്ഷ കക്ഷികള്‍ പുതിയ മൂന്നാം മുന്നണി രൂപീകരിച്ചു. മുന്‍ പശ്ചിമബംഗാള്‍ മുഖ്യമന്ത്രിയും സി പി എം നേതാവുമായ ജ്യോതി ബസുവാണ് മുന്നണിയുടെ ചെയര്‍മാന്‍ .ലോക്മോര്‍ച്ച എന്ന് പേരിട്ടിരിക്കുന്ന മുന്നണിയുടെ കണ്‍വീനര്‍ സമാജ്വാദി പാര്‍ട്ടി നേതാവ് മുലായം സിംഹ് യാദവാണ്. കോണ്‍ഗ്രസ ് ഒഴികെയുള്ള എല്ലാ പ്രതിപക്ഷ കക്ഷികളും പുതിയ മുന്നണിയിലുണ്ട്.

തെഹല്‍കാ ഡോട്ട് കോമിന്റെ ആയുധകോഴ വെളിപ്പെടുത്തലിനെത്തുടര്‍ന്ന് കേന്ദ്രരാഷ്ട്രീയത്തിലുണ്ടായിരിക്കുന്ന പുതിയ സംഭവവികാസങ്ങളുടെ പശ്ചാത്തലത്തില്‍ മൂന്നാം മുന്നണിയുടെ രൂപീകരണം പ്രസക്തമായിരിക്കുകയാണ്.

കേന്ദ്ര സര്‍ക്കാര്‍ രാജി വയ്ക്കേണ്ടി വരുന്ന സാഹചര്യത്തില്‍ പുതിയ സര്‍ക്കാരുണ്ടാക്കാന്‍ അവകാശവാദം ഉന്നയിക്കത്തക്ക രീതിയിലാണ് മൂന്നാം മുന്നണിയുടെ രൂപീകരണം. ഇതിനായി കോണ്‍ഗ്രസിനെ ഒഴിവാക്കിക്കൊണ്ട് ഇടതു കക്ഷികളുടെ നേതൃത്വത്തിലാണ് പുതിയ മുന്നണി രൂപീകൃതമായിരിക്കുന്നത്.