തെഹല്കാ റിപ്പോര്ട്ടര്ക്ക് പൊലീസ് സംരക്ഷണം
കൊല്ലം: ആയുധ കോഴയിടപാട് പുറത്താക്കിയ തെഹല്കാ ഡോട്ട് കോമിലെ മലയാളി റിപ്പോര്ട്ടര് മാത്യു സാമുവലിന് വന് സുരക്ഷാ സന്നാഹം. തന്റെ ജീവന് ഭീഷണിയുള്ളതായ സാമുവലിന്റെ വെളിപ്പെടുത്തലിനെത്തുടര്ന്ന് കേരള സര്ക്കാര് അദ്ദേഹത്തിന് പൊലീസ് സംരക്ഷണം ഏര്പ്പെടുത്തിയിരിക്കുകയാണ്.
തനിക്കും കുടുംബത്തിനും ജീവന് ഭീഷണിയുള്ളതിനാലാണ് താന് ദില്ലി വിട്ട് സ്വദേശത്തെത്തിയിരിക്കുന്നതെന്ന് പത്തനംതിട്ട ജില്ലയിലെ പത്തനാപുരം സ്വദേശിയായ മാത്യു സാമുവല് ബുധനാഴ്ച തിരുവനന്തപുരത്ത് വാര്ത്താ സമ്മേളനത്തില് വെളിപ്പെടുത്തിയിരുന്നു.
പത്തനാപുരത്തെ വസതിയിലും പൊലീസ് കാവലുണ്ട്. സംസ്ഥാന ബി ജെ പി അധ്യക്ഷന് സി കെ പത്മനാഭന് നയിക്കുന്ന പരിവര്ത്തനയാത്ര വ്യാഴാഴ്ച പത്തനാപുരത്തൂടെ കടന്നു പോകുന്നത് കണക്കിലെടുത്ത് വ്യാഴാഴ്ച സുരക്ഷാസന്നാഹം കൂടുതല് ശക്തമാക്കി.
പത്തനാപുരത്തെ ബി ജെ പി സമ്മേളനത്തിന് ആയിരക്കണക്കിന് ബി ജെ പി പ്രവര്ത്തകര് എത്തിയിരുന്നു.