കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

തെഹല്‍ക്കാ കാസറ്റുകള്‍ കൈമാറി

  • By Staff
Google Oneindia Malayalam News

ദില്ലി: സൈനിക ഉദ്യോഗസ്ഥരും രാഷ്ട്രീയക്കാരും കോഴ സ്വീകരിക്കുന്നത് ചിത്രീകരിച്ചിട്ടുള്ള വിവാദമായ തെഹല്‍ക്കാ വീഡിയോ കാസറ്റുകള്‍ സൈനിക കോടതിക്ക് കൈമാറി.

തെഹല്‍ക്കാ ഡോട്കോമിന്റെ മാനേജിംഗ് ഡയറക്ടറും എഡിറ്ററുമായ തരുണ്‍ തേജ്പാല്‍ മാര്‍ച്ച് 20 ചൊവാഴ്ചയാണ് കാസറ്റുകളുടെ പകര്‍പ്പുകള്‍ സൈനിക കോടതിക്ക് നല്‍കിയത്. സൈനിക കോടതി ആവശ്യപ്പെട്ടതനുസിച്ച് നാലര മണിക്കൂര്‍ ദൈര്‍ഘ്യമുള്ള രണ്ട് കാസറ്റുകളാണ് നല്‍കിയതെന്ന് തരുണ്‍ അറിയിച്ചു.

മുഴുവന്‍ സംഭവവും ടേപ്പില്‍ പകര്‍ത്തിയ തെഹല്‍ക്കാ റിപ്പോര്‍ട്ടമാരായ അനിരുദ്ധ ബഹാലും മാത്യു സാമുവലും സൈനിക കോടതി ആവശ്യപ്പെട്ടാല്‍ ഹാജരാകുമെന്ന് തരുണ്‍ പറഞ്ഞു. ആരോപണത്തെ തുടര്‍ന്ന് സസ്പെന്‍ഡ് ചെയ്യപ്പെട്ട ജനറല്‍ പി. എസ്. കെ. ചൗധരിയെ തന്നെ ചോദ്യം ചെയ്യാന്‍ അനുവദിച്ചുവെന്നും തരുണ്‍ വെളിപ്പെടുത്തി. എന്നാല്‍ ചൗധരി കാര്യമായി ഒന്നും ചോദിച്ചില്ല.

എട്ട് മാസമെടുത്ത് തയാറാക്കിയ 100 മണിക്കൂര്‍ ദൈര്‍ഘ്യമുള്ള കാസറ്റും സൈനികകോടതി ആവശ്യപ്പെട്ടിട്ടുണ്ടെന്നും അത് നല്‍കുമെന്നും തരുണ്‍ വ്യക്തമാക്കി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X