സംവാദത്തിന് സോണിയയില്ല

ദില്ലി: ആയുധഇടപാടിലെ കോഴവിവാദത്തെ കുറിച്ച് ദൂരദര്‍ശനില്‍ മുഖാമുഖ സംവാദത്തിന് പ്രതിപക്ഷ നേതാവ് സോണിയാഗാന്ധിയോടുള്ള ബിജെപിയുടെ വെല്ലുവിള ി കോണ്‍ഗ്രസ് നിരാകരിച്ചു.

പ്രശ്നത്തില്‍ നിന്ന് ജനങ്ങളുടെ ശ്രദ്ധ തിരിക്കാനുള്ള ബിജെപിയുടെ തന്ത്രമാണിതെന്ന് കോണ്‍ഗ്രസ് വക്താവ് ജയ്പാല്‍ റെഡ്ഢി പറഞ്ഞു. പ്രശ്നം സംബന്ധിച്ച് ഏതൊരു ചര്‍ച്ചയ്ക്കും മുമ്പ് കോഴ ഇടപാടില്‍ ഉള്‍പ്പെട്ടവര്‍ക്കെതിരെയുള്ള സുതാര്യമായനടപടിയാണ് വേണ്ടത്.

ചര്‍ച്ചയല്ല നടപടിയാണ് കോണ്‍ഗ്രസ് ആവശ്യപ്പെടുന്നത്. കുറ്റകരമായ സംഭവത്തില്‍ നിന്നും അന്വേഷണത്തില്‍ നിന്നും ശ്രദ്ധ തിരിക്കാനായാണ് പാര്‍ലമെന്റില്‍ ചര്‍ച്ചനടത്താമെന്ന വാദവുമായി സര്‍ക്കാര്‍ മുന്നോട്ടുപോവുന്നത് ----കോണ്‍ഗ്രസ് വക്താവ് പറഞ്ഞു.

ദൂരദര്‍ശന്‍ കുറ്റം ചെയ്ത ഒരാള്‍ക്ക് ജനങ്ങളെ അഭിസംബോധന ചെയ്യാന്‍ അനുവദിച്ചതിലൂടെ ദൂരദര്‍ശന്‍ കുറ്റക്കാരനെ സഹായിക്കുന്ന പ്രവൃത്തിയാണ് ചെയ്തതെന്ന കോണ്‍ഗ്രസിന്റെ നിലപാട് വ്യക്തമാക്കാന്‍ അവസരം നല്‍കണമെന്നാണ് കോണ്‍ഗ്രസ് ആവശ്യപ്പെട്ടതെന്നും റെഡ്ഢി പറഞ്ഞു.