കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആയുധകോഴ : ആഭ്യന്തരമന്ത്രാലയം അന്വേഷിക്കും

  • By Staff
Google Oneindia Malayalam News

ദില്ലി: കോഴ ഇടപാടിനെ കുറിച്ച് തെഹല്‍കാ.കോം പുറത്തുവിട്ട വിവരങ്ങള്‍ക്ക് പിന്നില്‍ സര്‍ക്കാരിനെ അട്ടിമറിക്കാനുള്ള ഗൂഢാലോചനയുണ്ടായിരുന്നുവെന്ന റിപ്പോര്‍ട്ടിനെ കുറിച്ച് ആഭ്യന്തരമന്ത്രാലയം അന്വേഷിക്കും. ഇതിനു പിന്നില്‍ പ്രവര്‍ത്തിച്ചത് ആഭ്യന്തരമന്ത്രാലയത്തിലെ ഒരു ഉദ്യോഗസ്ഥനാണെന്നാണ് ആരോപണം.

ആഭ്യന്തരമന്ത്രാലയത്തിന്റെ ഒരു വക്താവാണ് മാര്‍ച്ച് 22 വ്യാഴാഴ്ച ഇക്കാര്യം അറിയിച്ചത്. അന്വേഷണത്തിന്റെ അടിസ്ഥാനത്തില്‍ ഉദ്യോഗസ്ഥനെതിരെ ഉചിതമായ നടപടി സ്വീകരിക്കുമെന്നും അദ്ദേഹം പറഞ്ഞു.

ആഭ്യന്തരമന്ത്രാലയത്തിലെ ഡയറക്ടറായ തോമസ് മാത്യു വാജ്പേയി സര്‍ക്കാരിനെതിരെ നടത്തിയ ഗൂഢാലോചനയുടെ ഭാഗമായാണ് തെഹല്‍കാ ആയുധഇടപാടിലെ കോഴയെ കുറിച്ച് വിവരങ്ങള്‍ പുറത്തുവിട്ടതെന്ന് ചില മാധ്യമങ്ങളില്‍ മാര്‍ച്ച് 22 വ്യാഴാഴ്ച റിപ്പോര്‍ട്ടുണ്ടായിരുന്നു. തെഹല്‍കയുടെ ലേഖകന്‍ സാമുവല്‍ മാത്യുവുമായി ഈ ഉദ്യോഗസ്ഥന് ബന്ധമുണ്ടായിരുന്നുവെന്നും റിപ്പോര്‍ട്ടില്‍ പറയുന്നു.

തോമസ് മാത്യുവിന്റെ ഓഫീസിലെ സ്ഥിരം സന്ദര്‍ശകനായിരുന്ന ഒരു റെയില്‍വെ കണ്‍സള്‍ട്ടന്റാണ് ഇക്കാര്യം വെളിപ്പെടുത്തിയത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X