കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മാണി കടുംപിടുത്തത്തില്‍; യുഡിഎഫ് ചര്‍ച്ച വഴിമുട്ടി

  • By Staff
Google Oneindia Malayalam News

തിരുവനന്തപുരം: കേരള കോണ്‍ഗ്രസ് (മാണി) ഗ്രൂപ്പ് 14 സീറ്റുകള്‍ വേണമെന്ന വാശിയില്‍ നില്‍ക്കുന്നതിനെത്തുടര്‍ന്ന് യുഡിഎഫ് സീറ്റ് വിഭജന ചര്‍ച്ച വഴിമുട്ടി. മാര്‍ച്ച് 21 ബുധനാഴ്ച നടന്ന ചര്‍ച്ചായോഗത്തില്‍ നിന്ന് ഒരു തവണ മാണി ഗ്രൂപ്പ് ഇറങ്ങിപ്പോവുക പോലുമുണ്ടായി.

സീറ്റുകളുടെ എണ്ണം 14 ആക്കണമെന്നും , സീറ്റുകള്‍ വേണമെന്നും ഉള്ള മാണിയുടെ ആവശ്യമാണ് യുഡിഎഫില്‍ പ്രതിസന്ധി സൃഷ്ടിച്ചിരിക്കുന്നത്. ഈ രണ്ടു സീറ്റുകളുടെ കാര്യത്തില്‍ മാണിയുടെ ആവശ്യത്തിന് വഴങ്ങാന്‍ കേരള കോണ്‍ഗ്രസ് (ജേക്കബ്) കൂട്ടാക്കിയില്ല. സീറ്റ് മാണിക്കു കൊടുക്കുകയാണെങ്കില്‍ കിട്ടണമെന്നാണ് ജേക്കബ് ഗ്രൂപ്പിന്റെ നിലപാട്.

മാണി പിണങ്ങിപ്പോയതിനെത്തുടര്‍ന്ന് എംഎല്‍എ ഹൗസില്‍ എത്തിയ കോണ്‍ഗ്രസ് നേതാക്കളും മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടിയും അദ്ദേഹവുമായി മാരത്തോണ്‍ ചര്‍ച്ചകള്‍ നടത്തിയെങ്കിലും ഫലവത്തായില്ല. യുഡിഎഫില്‍ വളര്‍ച്ച കൈവരിക്കുന്ന കക്ഷി തങ്ങളാണെന്നും അതിനാല്‍ രണ്ടോ മൂന്നോ സീറ്റുകള്‍ ഇത്തവണ കൂടുതല്‍ വേണമെന്നും മാണി നേതാക്കളെ അറിയിച്ചു. സീറ്റിന്റെ കാര്യത്തില്‍ വിട്ടുവീഴ്ച ചെയ്യില്ലെന്നും മാണി വ്യക്തമാക്കി.

മാര്‍ച്ച് 22 വ്യാഴാഴ്ചയും മാണിയുമായി ചര്‍ച്ച നടത്തും. മാര്‍ച്ച് 23 വെള്ളിയാഴ്ചയോടെ പ്രശ്നം പരിഹരിച്ച് സീറ്റ് വിഭജനം പൂര്‍ത്തിയാക്കാനാണ് മുന്നണിയുടെ തീരുമാനം.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X